🛑 संघटनशक्तीतून कलावंतांच्या हक्कांसाठी लढा उभारा — बाबुराव उप्पलवार

🔴 संघटनशक्तीतून कलावंतांच्या हक्कांसाठी लढा उभारा — बाबुराव उप्पलवार

नायगावात नव्याने निवड झालेल्या अशासकीय जिल्हा समितीचा भव्य सत्कार संपन्न. 

शिवगर्जना न्यूज, 

नायगाव : बाळासाहेब पांडे 

कलावंतांनी आपल्या हक्कांच्या मागण्या पदरात पाडून घेण्यासाठी संघटन शक्तीचा प्रभावी वापर करावा आणि सर्व कलाकारांनी एकत्र येत आपल्या प्रश्नांसाठी लढा द्यावा, असे प्रतिपादन संगीत क्षेत्रातील सेवानिवृत्त प्राध्यापक जेष्ठ मार्गदर्शक बाबुराव उप्पलवार यांनी केले.

राजर्षी शाहू महाराज जेष्ठ साहित्यिक व साहित्य सन्मान योजना तसेच नवोदित कला विकास योजना अंतर्गत नव्याने निवड झालेल्या वृद्ध कलावंत अशासकीय समिती सदस्यांचा सत्कार सोहळा रविवारी (दि. १२ एप्रिल) दुपारी जनता हायस्कूल, नायगाव येथील स्व. माजी आमदार बलवंतराव चव्हाण सभागृहात उत्साहात पार पडला. कार्यक्रमाच्या अध्यक्षस्थानी प्रा. बाबुराव उप्पलवार (देगलूर) होते.

यावेळी बोलताना उप्पलवार म्हणाले की, कलावंतांना मानधन मिळत असले तरी संघटनात्मक बळ वाढवण्यासाठी त्यांनीही आपले योगदान द्यावे. कलावंत एकत्र आले तरच त्यांच्या समस्या शासना पर्यंत प्रभावीपणे पोहोचू शकतात.

या कार्यक्रमात विविध कला क्षेत्रात उल्लेखनीय कामगिरी करणाऱ्या गुणवंतांची अशासकीय समितीत निवड झाल्याबद्दल त्यांचा शाहीर दिगु तुमवाड ज्यू जॉनी रामेश्वर भालेराव यांच्या वतीने निवड समिती सदस्य पत्रकार बाबुराव पाटील, त्रिरत्न कुमार भवरे, शाहीर बळीराम जाधव, नाकाडे (बिलोली), जाधव साहेब (मालकौठेकर) यांच्यासह नांदेड जिल्ह्यातील अनेक कलावंतांचा गौरव करण्यात आला.

कार्यक्रमाचे प्रास्ताविक शाहीर दिगू तुमवाड व रामेश्वर भालेराव यांनी करताना सांगितले की, समाजातील कला, साहित्य व सांस्कृतिक क्षेत्राला चालना देणे आणि ग्रामीण भागातील कलाकारांना व्यासपीठ उपलब्ध करून देणे हा या उपक्रमामागील मुख्य उद्देश आहे.

प्रमुख अतिथी म्हणून शाहिरी क्षेत्रातील कलावंत शाहिर रमेश गिरी, ज्येष्ठ पत्रकार व कलावंत बाळासाहेब पांडे मांजरमकर, शाहिर दामोधर वजीरगावकर यांची उपस्थिती लाभली होती. तसेच मुख्य मार्गदर्शक म्हणून सेवा निवृत प्राचार्य माधवराव जाधव (कंधार) व सामाजिक कार्यकर्ते दत्ताजी तुम्मवाड यांनी मार्गदर्शन केले.

यावेळी दत्ताजी तुम्मवाड, प्राचार्य माधव जाधव, बाळासाहेब पांडे, शाहिर रमेश गिरी आदींनी मनोगत व्यक्त करत कलाकारांच्या एकजुटीचे महत्त्व अधोरेखित केले.

या सोहळ्यास नायगाव, धर्माबाद, उमरी, कंधार, मुखेड, देगलूर, हदगाव, तामसा, अर्धापूर, मुदखेड, भोकर, लोहा आदी तालुक्यांतील कलारसिक व कलाकार मोठ्या संख्येने उपस्थित होते.

कार्यक्रमा च्या प्रारंभी महात्मा जोतिबा फुले, नुकतेच निधन झालेले शाहीर वेंकट इगेवार बेटकबेलीकर यांच्या प्रतिमेचे पूजन करण्यात आले. शाहीर हाडोळीकर यांनी स्वागत गीत गायले तर शाहीर दिगू तुमवाड यांनी कलावंत साठी झिजलेले व त्यांची प्रश्न जाणीव करून देणारे गीत गायले या मुळे वातावरण अगदी भाऊक झाले होते. 

कार्यक्रमाचे सूत्रसंचालन शाहीर माधव (सुजलेगावकर) यांनी केले, तर आभार प्रदर्शन शाहीर पत्रकार माधव बैलकवाड यांनी मानले. कार्यक्रमाच्या शेवटी दिवंगत शाहीर वेंकट बेटकबेळीकर, नुकत्याच निधन झालेल्या स्व.आशाताई भोसले यांना श्रंधांजली वाहण्यात आली.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)