🛑 देगावमध्ये श्री महादेव मंदिर यात्रे निमित्त कुस्त्यांचा जंगी थरार.

🔴 देगावमध्ये श्री महादेव मंदिर यात्रेनिमित्त कुस्त्यांचा जंगी थरार; पैलवानांच्या झुंजार लढतींनी कुस्ती शौकीन मंत्रमुग्ध. 

शिवगर्जना न्यूज, 

नांदेड प्रतिनिधी निळकंठ जाधव

नायगाव : नायगाव तालुक्यातील देगाव येथील ग्रामदैवत श्री महादेव मंदिर यात्रेनिमित्त दरवर्षी प्रमाणे याही वर्षी जत्रेचा सोहळा मोठ्या उत्साहात आणि पारंपरिक वातावरणात पार पडला. यात्रेचे मुख्य आकर्षण ठरलेल्या जंगी कुस्ती मैदानामध्ये मल्ल विद्येचा जबरदस्त थरार पाहायला मिळाला. नाशिकसह पंचक्रोशीतील नामांकित पैलवानांनी आपल्या बाहुबलाचे आणि डावांचे प्रदर्शन घडवल्याने उपस्थितांच्या डोळ्यांचे पारणे फिटले.

यात्रे निमित्त आयोजित या कुस्ती मैदानामुळे संपूर्ण देगाव परिसरात चैतन्याचे वातावरण होते. आखाड्यात शड्ड ठोकणाऱ्या मल्लांना प्रोत्साहन देण्यासाठी हजारो कुस्ती शौकीनांनी मोठी गर्दी केली होती. मैदानातील द्वितीय क्रमांकाची मानाची कुस्ती कै. आनंदराव बाबाराव पाटील मोरे (पोलीस पाटील) यांच्या स्मरणार्थ ५१०० रुपयांची लावण्यात आली. यावेळेस त्यांच्या कुटुंबातील उपस्थित गोविंदराव आनंदराव पाटील मोरे, संगोजी आनंदराव पाटील मोरे, सुभाष आनंदराव पाटील मोरे, प्रकाश किशनराव पाटील मोरे, दयानंद शिवाजी पाटील मोरे, शिवराज धोंडीबा पाटील मोरे, व्यंकट देवराव पाटील मोरे, अभिजीत जयराम पाटील मोरे, साहेबराव नागोराव पा.मोरे. माजी सरपंच उत्तमराव भाऊराव पाटील मोरे, रावसाहेब पाटील मोरे, भगवान पाटील मोरे, व गावातील तंटामुक्ती अध्यक्ष चेअरमन सोसायटी चेअरमन व गावातील ज्येष्ठ नागरिक मोठ्या संख्येने यावेळेस उपस्थित होते.ही चुरशीची लढत पैलवान बरबडा आणि पैलवान हुस्सेकर यांच्यात पार पडली. दोन्ही मल्लांनी आक्रमक खेळ करत आणि एकमेकांवर प्रतिडाव टाकत उपस्थितांची दाद मिळवली.

मैदानातील शेवटची आणि सर्वात प्रतिष्ठेची कुस्ती कै. गणपतराव गंगाराम पाटील उपासे यांच्या स्मरणार्थ श्री. गोविंद गणपतराव उपासे यांच्यातर्फे ७१०० रुपयांची लावण्यात आली होती. या कुस्तीमध्ये नाशिक येथील नामवंत पैलवान आणि स्थानिक पंचक्रोशीतील तगडा मल्ल यांच्यात काट्याची टक्कर पाहायला मिळाली. दोन्ही पैलवानांच्या ताकदीचा आणि चपळाईचा कस लागलेल्या या लढतीने कुस्तीशौकीनांच्या श्वास रोखून धरले होते. कुस्ती परंपरेला जिवंत ठेवण्यासाठी गावकरी आणि दानशूर व्यक्तींनी दिलेले योगदान मोलाचे ठरले. कै. आनंदराव पाटील मोरे आणि कै. गणपतराव पाटील उपासे यांच्या स्मृतींना उजाळा देत लावण्यात आलेल्या या कुस्त्यांनी मैदानाची रंगत अधिकच वाढवली.

यावेळी गावातील प्रतिष्ठित नागरिक, ग्रामपंचायत सदस्य, पोलीस प्रशासन आणि यात्रा कमिटीचे पदाधिकारी मोठ्या संख्येने उपस्थित होते. चोख पोलीस बंदोबस्त आणि गावकऱ्यांच्या शिस्तबद्ध नियोजनामुळे कुस्तीचा हा सोहळा ऐतिहासिक उत्साहात संपन्न झाला. देगावच्या या कुस्ती मैदानामुळे तरुणांमध्ये व्यायामाची आणि खेळाची जिद्द निर्माण होण्यास मोठी मदत झाली आहे, अशा भावना ग्रामस्थांनी व्यक्त केल्या.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)