🛑 कु.सावी वैभव मुद्राळे ला जनजागृती सेवा संस्थेच्या वतीने विशेष सन्मानपत्राने सन्मानित.

🔴 कु.सावी वैभव मुद्राळे हिच्या कर्तृत्वाने सिंधुदुर्ग जिल्ह्याची मान उंचावली, जनजागृती सेवा संस्थेच्या वतीने “विशेष सन्मान पत्राने” सन्मानित.           

शिवगर्जना न्यूज, 

कणकवली प्रतिनिधी : गुरुनाथ तिरपणकर 

कला, नृत्य, रिॲलिटी शो, वकृत्व, बाल नाट्य अशा सांस्कृतिक, शैक्षणिक क्षेत्रात लहान वयातच उंच भरारी घेणारी कासार्डे हायस्कूल, ता.कणकवली. येथे ६वी इयत्तेत शिकणाऱ्या मुलीस संरक्षण मंत्रालयाकडून आपल्या कामगिरीवर संरक्षण मंत्र्यांच्या हस्ते प्रशस्तीपत्र स्विकारणारी सिंधुदुर्ग कन्या कु.सावी वैभव मुद्राळे चा सत्कार जनजागृती सेवा संस्थेच्या वतीने विशेष सन्मानपत्र प्रदान करुन उत्साहात साजरा करण्यात आला. 

सत्कार समारंभ कु.सावी मुद्राळे यांच्या निवासस्थानी अनेक मान्यवर व मुद्राळे कुटुंबीयांच्या उपस्थितीत संपन्न झाला. सर्व प्रमुख पाहुणे व मान्यवरांचे स्वागत मुद्राळे कुटुंबीयांनी उत्कृष्ट मालवणी मराठमोळ्या पद्धतीने केले. यावेळी उद्योजक, खारेपाटण पंचक्रोशी शिक्षण प्रसारक मंडळाचे अध्यक्ष प्रविण शेठ लोकरे, देवांग कोष्टी समाज सहकारी पतपेढी मुंबई उपाध्यक्ष, सिंधुदुर्ग जिल्हा कोष्टी समाज सेवा संघ कणकवली कार्यकारिणी सदस्य सत्यवान धुमाळे, वेतोबा सिरियल फेम गाव मामी, गाव गाता गजाली फेम सिने-नाट्य अभिनेत्री सिंधुदुर्ग ग्लोबल फाउंडेशन अध्यक्षा सौ.अक्षता ताई कांबळी, अक्षरोत्सव प्रमुख, संदेश पत्र संग्राहक, दै.लोकमत पत्रकार निकेत पावसकर, सिंधुदुर्ग जिल्ह्यातील प्रख्यात चित्रकार, निसर्ग प्रेमी, प्राणी मित्र, समाजसेवक अक्षय मेस्त्री, खारेपाटण पंचक्रोशी शिक्षण प्रसारक मंडळाचे उपाध्यक्ष भाऊ राणे, खारेपाटण पंचक्रोशी शिक्षण प्रसारक मंडळाचे संचालक विजय देसाई आदी मान्यवरांच्या उपस्थितीत जनजागृती सेवा संस्थेच्या वतीने कु.सावी वैभव मुद्राळेस शाल, श्रीफळ, पुष्पगुच्छ, संस्था कार्य‌ अहवाल, भगवद्गगीता व विशेष सन्मान पत्राने सन्मानासह वाचन संस्थेचे अध्यक्ष गुरुनाथ तिरपणकर यांनी केले. प्रमुख अतिथी व मान्यवरांनी कु.सावीच्या यशाबद्दल कौतुक व अभिनंदन करत पुढील वाटचालीस शुभेच्छा दिल्या. 

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)