🔴 मुखेड तालुक्यात भूकंपाचे सौम्य धक्के.

160

By Shahaji Warkhinde

February 11, 2026

🔴 मुखेड तालुक्यात भूकंपाचे सौम्य धक्के.

♦️नागरिकांनी सतर्क राहण्याचे जिल्हाधिकाऱ्यांचे आवाहन.

शिवगर्जना न्यूज,

मांजरम प्रतिनिधी : व्यंकटराव शिंदे

मुखेड तालुक्यातील हिब्बट, कोळगाव, धामणगाव, मोटरगा, धनज व जामखेड या गावांमधून आज दिनांक ११ फेब्रुवारी २०२६ रोजी दुपारी ०३:२५ मी. वाजता भूगर्भातून आवाज येऊन जमीन हादरली असल्याची माहिती ग्रामस्थांनी प्रशासनाला दिली होती. त्यानुसार राष्ट्रीय भूकंप विज्ञान केंद्राच्या संकेतस्थळावर तपासले असता दिनांक ११ फेब्रुवारी २०२६ रोजी दुपारी १५२० Hrs. वाजता या धक्क्याची नोंद झाली असून या धक्क्याची तीव्रता रिश्टर स्केलवर ३.० एवढी नोंदविण्यात आली असून याचा केंद्रबिंदु नांदेड जिल्ह्यातील मुखेड तालुक्यातील खपराळ गावाजवळ असल्याचे कळते. सदर धक्का हा अति सौम्य प्रकारचा आहे तसेच या धक्क्यामुळे कुठलीही जीवित व वित्त हानी झाली नसल्याबाबत तहसीलदार मुखेड यांनी जिल्हा आपत्कालीन कार्य केंद्रास कळविले आहे.

तरी नागरिकांनी घाबरून न जाता सतर्क रहावे. तसेच गावात ज्या लोकांच्या घराचे छत पत्र्याचे आहे व त्यांनी पत्र्यावर आधारासाठी दगड ठेवले आहेत त्यांनी सुरक्षिततेचा भाग म्हणून त्वरित दगड काढून घ्यावेत व पत्रे बोल्ट ने फिट करून घ्यावीत. पुन्हा असा आवाज आलाच तर पटकन घराबाहेर मोकळ्या जागेत एकत्रित व्हावे व प्रशासनाला (०२४६२) २३५०७७ या क्रमांकावर संपर्क करून कळवावे तसेच कोणत्याही अफवांनावर विश्वास ठेवू नये असे आवाहन मा. जिल्हाधिकारी श्री राहुल कर्डिले यांनी जनतेला केले आहे.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)

Previous article

🛑 हिंदी विषयाच्या बारावी परीक्षेत २२२२ विद्यार्थी उपस्थित; ५३ अनुपस्थित.

Next article

🛑 कु.सावी वैभव मुद्राळे ला जनजागृती सेवा संस्थेच्या वतीने विशेष सन्मानपत्राने सन्मानित.

Shahaji Warkhinde

ताज्या बातम्या

ताज्या बातम्या