🛑 खुशी सेवाभावी संस्थेकडून अंध विद्यालय देगलूर येथे गणवेश, पेट्या व भोजनाची व्यवस्था.

🔴 अंध विद्यार्थ्यांच्या चेहऱ्यावर आनंदाचे हास्य. 

♦️खुशी सेवा भावी संस्थेकडून अंध विद्यालय देगलूर येथे गणवेश, पेट्या व भोजनाची व्यवस्था. 

शिवगर्जना न्यूज, 

देगलूर प्रतिनिधी : 9923072242

समाजातील वंचित व दिव्यांग घटकांसाठी मदतीचा हात पुढे करणारी खुशी सेवाभावी संस्था, देगलूर यांच्याकडून या वर्षीही सामाजिक बांधिलकी जपत अंध विद्यालय देगलूर येथील विद्यार्थ्यांसाठी गणवेश वाटप, पेट्या वाटप व भोजनाची सोय करण्यात आली. हा उपक्रम दि. २४ जानेवारी २०२६ रोजी अत्यंत उत्साहपूर्ण व भावनिक वातावरणात पार पडला. कार्यक्रमाच्या अध्यक्ष पदी श्री बालाजी टेकाळे, प्रमुख पाहुणे श्री लक्ष्मीकांत पद्दमवार, देगलूर न.पा. उपाध्यक्ष ॲड. अंकुश देसाई देगांवकर यांची उपस्थिती होती.

प्रजासत्ताक दिनाचे औचित्य साधत दरवर्षी अंध विद्यार्थ्यांना गणवेश वाटपाचा उपक्रम राबविला जातो. मात्र यावर्षी खुशी सेवा भावी संस्थेने सामाजिक जबाबदारी अधिक व्यापक स्वरूपात स्वीकारत केवळ गणवेश वाटपावर न थांबता विद्यार्थ्यांच्या दैनंदिन गरजा लक्षात घेऊन त्यांच्या साहित्य सुरक्षित ठेवण्यासाठी पेट्या देण्याचा उपक्रम तसेच भोजनाची सोय केली. या उपक्रमामुळे विद्यार्थ्यांच्या चेहऱ्यावर आनंद झळकला असून शिक्षक वर्ग व उपस्थित मान्यवरांनी संस्थेच्या कार्याचे मनापासून कौतुक केले.

या कार्यक्रमात दानवीर सामाजिक सलोखा राखणारे खुशी सेवाभावी संस्थेचे अध्यक्ष बबलू एकनाथ टेकाळे यांनी प्रमुख भूमिका बजावली. यावेळी त्यांच्या मातोश्री सौ. सुशीला शेषराव टेकाळे, शिल्पा सचिन ढगे, माजी नगरसेविका अरुणा एकनाथराव टेकाळे यांची उपस्थिती कार्यक्रमास होती. 

यावेळी संस्थेचे अध्यक्ष बबलू एकनाथ टेकाळे म्हणाले की, “समाजातील वंचित, गरजू व दिव्यांग बांधवांच्या जीवनात थोडा जरी आनंद देता आला, हीच आमच्यासाठी खरी समाजसेवा आहे. अंध विद्यार्थ्यांच्या शिक्षणासाठी आवश्यक असलेल्या मूलभूत गरजा पूर्ण करणे ही आमची सामाजिक जबाबदारी असून भविष्यातही असे उपक्रम सातत्याने राबविण्याचा आमचा निर्धार आहे.”

या कार्यक्रमाचे अध्यक्ष मा. बालाजी टेकाळे संबोधताना “खुशी सेवाभावी संस्था ही एकमेव अशी संस्था आहे जी कोणताही भेद भाव न करता गोरगरिबांच्या, गरजूंच्या व दुर्बल घटकांच्या मदतीसाठी नेहमीच पुढे असते. या संस्थेचे कार्य समाजासाठी प्रेरणादायी असून अशा उपक्रमांतूनच खऱ्या अर्थाने सामाजिक जाणीव जिवंत राहते. ”तसेच कार्यक्रमाच्या शेवटी विद्यार्थ्यांच्या चेहऱ्यावर दिसणारे समाधान व आनंद हेच या उपक्रमाचे खरे यश असल्याची भावना उपस्थित मान्यवरांनी व्यक्त केली.

यावेळी उपस्थित एम.व्ही. शिंदे, सुजीत सर, द्याडे अप्पा, श्री बबलू टेकाळे, श्री दिगंबर कौरवार सावकार, श्री नाना मोरे, सचिन ढगे, साई गंदप्पवार, ओमकार उल्लेवार, शुभम चैनपूरे, मिलिंद कांबळे, एम.वाय. भुताळे, व्ही. एन. किर्तीवार सर, गायकवाड सर, पिंटू, रोहिदास कांबळे, विशाल टेकाळे, शुभम टेकाळे, नागेश कुरुडे तसेच अंध विद्यालय देगलूर येथील सर्व शिक्षक वर्ग होता.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)