🛑गोदावरी परिक्रमा यात्रेचे भव्य स्वागत – मा. मुख्यमंत्री अशोकराव चव्हाण, श्रावण पा. भिलवंडे यांची उपस्थिती.

🔴 साधू-संतांच्या आगमनाने पावन झाली नरसी नगरी; गोदावरी परिक्रमा यात्रेचे भव्य स्वागत – मा. मुख्यमंत्री अशोकराव चव्हाण, श्रावण पाटील भिलवंडे यांची उपस्थिती

शिवगर्जना न्यूज, 

नांदेड प्रतिनिधी निळकंठ जाधव 

नांदेड जिल्ह्यातील नायगाव तालुक्यातील नरसी नगरीने बुधवारी भक्तिभाव, अध्यात्म आणि संस्कृतीचा अद्वितीय संगम अनुभवला. वृंदावन, अयोध्या, चित्रकूट, ओंकारेश्वर, उज्जैन, द्वारका, जगन्नाथपुरी आदी पवित्र तीर्थक्षेत्रांतून मार्गक्रमण करत आलेल्या गोदावरी परिक्रमा यात्रेचे गावकऱ्यांच्या उपस्थितीत हरिनामाच्या गजरात, पारंपरिक ढोल-ताशांच्या निनादात फुलांच्या पावसात भव्य स्वागत करण्यात आले.

या दिव्य यात्रेचे नेतृत्व परमपूज्य स्वामी श्री राजेंद्रदास देवाचार्य महाराज करत असून सुमारे ५०० साधू-संत, महंत व अग्रपीठाधीश्वर यांच्या पावन उपस्थितीने नरसी नगरी भक्तीमय झाले. 

बालाजी मंदिराच्या पद्मावती मंगल कार्यालयात आयोजित धार्मिक सभेत स्वामी राजेंद्रदास देवाचार्य महाराजांनी आशिर्वचन देत भक्तांना अध्यात्म, सेवा व सद्भावनेचा संदेश दिला. त्यांच्या प्रवचनाने भाविक मंत्रमुग्ध झाले.

या वेळी वृंदावनचे परमहंस किशोरदास महाराज, संधर्म शिरोमणी गोवत्स बालयोगी व्यंकटस्वामी महाराज, महंत स्वामी शांतीब्रह्म यदुबन महाराज (कोलंबीकर) आदी संत-समाजाच्या मान्यवरांच्या उपस्थितीने कार्यक्रमाचे वैभव अधिक खुलले.

या भक्तिमय सोहळ्याला माजी मुख्यमंत्री व राज्यसभा खासदार खा. अशोकराव चव्हाण यांनी हजेरी लावून उपस्थित भाविकांना आशिर्वादमय उपस्थितीने गौरविले. तसेच माजी आमदार अमर राजूरकर, मा. सभापती श्रावण पाटील भिलवंडे, माजी जि.प. सदस्य लक्ष्मण ठकरवाड, माणिकराव लोहगावे, संभाजी पाटील भिलवंडे, रविंद्र पाटील भिलवंडे, सरपंच गजानन पाटील भिलवंडे, नंदकिशोर नरसीकर, राजु गंदीगुडे, राजेश पाटील भिलवंडे, मोहन पाटील भिलवंडे, वसंतराव मेडेवार आदींनी उपस्थित राहून यात्रेचे स्वागत सोहळ्यास मानाचा मुकुट चढविला.हरिनामाचा अखंड गजर, भगव्या पताका, फुगड्या व लेझिम खेळत भक्तांची उर्मी आणि अध्यात्मिक लहर यामुळे नरसी नगरी काही काळासाठी जणू पावन तीर्थक्षेत्रात परिवर्तित झाली. 

गोदावरी परिक्रमेच्या माध्यमातून साधू-संतांच्या उपस्थितीने नायगाव तालुक्याच्या धार्मिक परंपरेत एक स्मरणीय अध्याय कोरला गेला. ही यात्रा नरसीच्या वैभवाला भक्तिभावाची नवी ज्योत देऊन गेली.

या कार्यक्रमाचे आयोजक माणिकराव लोहगावे भाजपा जिल्हा सरचिटणीस श्रीराम मेडेवार उद्योजक, राजेश बिडवंडे, सरपंच गजानन भिलवंडे, मोहन भिलवंडे यांच्या नेतृत्वाखाली मोठ्या संस्थेच्या व भाविक भक्तांच्या उपस्थितीत पार पडला. 

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)