🛑 ५ सप्टेंबर शिक्षक दिनी राष्ट्रीय पुरस्कार वितरण सोहळा संपन्न

🛑 ५ सप्टेंबर शिक्षक दिनी राष्ट्रीय पुरस्कार वितरण सोहळा संपन्न. 

शिवगर्जना न्यूज, 

श्रीक्षेत्र माहूर प्रतिनिधी /अमोल भरणे

माहूर : माहूर येथील जिल्हा परिषद उर्दू माध्यम शाळेत कार्यरत असलेले शिक्षक मोहम्मद युनूस मोहम्मद युसुफ यांना गालिब अकादमी, दिल्ली येथे आयोजित भव्य सोहळ्यात राष्ट्रीय उर्दू शिक्षक पुरस्कार प्रदान करून सन्मानित करण्यात आले.

५ सप्टेंबर २०२५ शिक्षक दिनी हा कार्यक्रम चौधरी वसील अली गुर्जर यांच्या नेतृत्वाखाली पार पडला. या प्रसंगी देशभरातील विविध राज्यांतील उर्दू शिक्षक, प्राध्यापक, उर्दू कर्मधारी तसेच उर्दू भाषा व साहित्य क्षेत्रात उल्लेखनीय योगदान देणाऱ्या व्यक्तींना राष्ट्रीय पातळीवरील पुरस्काराने गौरविण्यात आले.

यात माहूरचे शिक्षक मोहम्मद युनूस यांना त्यांच्या शिक्षण क्षेत्रातील उल्लेखनीय कार्याबद्दल सन्मानित करण्यात आले. त्यांच्या या राष्ट्रीय गौरवामुळे माहूर परिसरात समाधान व अभिमानाचे वातावरण निर्माण झाले आहे.

नगराध्यक्ष, नगरसेवक, लोकप्रतिनिधी, गट शिक्षण अधिकारी, गट समन्वयक, शालेय शिक्षण समिती अध्यक्ष, मुख्याध्यापक इतरांनी अभिनंदन केले आहे.