🔴जिल्हा परिषद शाळेत ‘एक पेड माँ के नाम’ कार्यक्रमांतर्गत महावृक्ष लागवड संपन्न.

🔴जिल्हा परिषद शाळा सांगवी उमर येथे ‘एक पेड माँ के नाम’ निमित्त सामाजिक वनीकरण विभागातर्फे महा वृक्ष लागवड कार्यक्रम संपन्न. 

शिवगर्जना न्यूज, 

देगलूर प्रतिनिधी

देगलूर : आज दिनांक ३१ जुलै २०२५ रोजी जिल्हा परिषद प्राथमिक शाळा सांगवी उमर येथे ‘एक पेड माँ के नाम’ कार्यक्रमांतर्गत वृक्ष लागवडीचा कार्यक्रम घेण्यात आला. ‘हरित महाराष्ट्र समृद्ध महाराष्ट्र’ या अभियान अंतर्गत सामाजिक वनीकरण विभाग नांदेड विभागीय वनाधिकारी मा. संदिप चव्हाण, सहाय्यक वनसंरक्षक सौ. शुभांगी लोणकर आणि देगलूर वनपरिक्षेत्र अधिकारी मा. राजू जयपूरकर यांच्या मार्गदर्शनाखाली कार्यक्रम राबविण्यात आला. सदरील कार्यक्रमासाठी देगलूर सामाजिक वनीकरण विभाग वनपाल सौ. अनिता टेंभुर्णे मॅडम आणि त्यांचे सहकारी वनरक्षक सौ. अनिता पांचाळ, श्री.राजरत्न साबणे, गोरख देवकांबळे, वनसेवक अश्विन वनंजे हे उपस्थित होते. या कार्यक्रमाचे अध्यक्ष शाळेचे मुख्याध्यापक श्री. रामराव पांचाळ हे होते. 

सदरील कार्यक्रमात सर्वप्रथम वृक्ष लागवड व संवर्धन करणे कसे आवश्यक आहे याबाबत मार्गदर्शन करण्यात आले. शाळेतील सर्व विद्यार्थ्यांना प्रति विद्यार्थी एक झाड या पद्धतीने विविध प्रकारच्या रोपांचे वाटप करण्यात आले. शाळे मध्ये सुद्धा प्रत्यक्ष वृक्षारोपण करण्यात आले.

कार्यक्रमाचे सूत्र संचालन श्री.एम.डी. वाघमारे तर आभार शंकर कुद्रे यांनी मांडले. यावेळी शाळेतील सर्व शिक्षक, अंगणवाडी सेविका, विद्यार्थी व गावातील प्रतिष्ठीत व्यक्ती उपस्थित होते.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)