🛑 ॲड.उमाकांत आदमाने यांची सांस्कृतिक व साहित्य रत्न पुरस्कार २०२५ करिता निवड

🔴ॲड.उमाकांत आदमाने यांची सांस्कुतिक व साहित्य रत्न पुरस्कार २०२५ करिता झाली निवड. 

शिवगर्जना न्यूज, 

पूणे प्रतिनिधी

कवी, साहित्यिक, निवेदक ॲड.उमाकांत मधुकर आदमाने, नोटरी भारत सरकार यांना साप्ताहिक आम्ही मुंबईकर या वृत्तपत्राकडून “सांस्कृतिक व साहित्यरत्न पुरस्कार २०२५” पुरस्काराकरिता नुकतीच निवड झाल्याचे पत्र साप्ताहिक आम्ही मुंबईकरचे संपादक मा. प्रमोद सूर्यवंशी, उपसंपादक सौ. वसुदा नाईक, आणि ग्राफिक्स डिझाइनर मा. अंगद दराडे यांनी कवी, साहित्यिक, निवेदक ॲड.उमाकांत मधुकर आदमाने, नोटरी भारत सरकार यांना साहित्य, शिक्षण व सामाजिक क्षेत्रातील उल्लेखनीय कार्याबद्ल “सांस्कृतिक व साहित्यरत्न पुरस्कार २०२५” निवड पत्राद्वारे कळविले आहे. रविवार दि. २७ जुलै २०२५ रोजी जोगेश्वरी पूर्व मुंबई ७ या ठिकाणी मान्यवरांच्या हस्ते ॲड.उमाकांत मधुकर आदमाने, नोटरी भारत सरकार साहित्य, शिक्षण व सामाजिक क्षेत्रातील उल्लेखनीय कार्याबद्ल “सांस्कृतिक व साहित्यरत्न पुरस्कार २०२५” देऊन गौरविण्यात येणार आहे. ॲड. उमाकांत मधुकर आदमाने हे सध्या शिवाजीनगर, जिल्हा सत्र न्यायालयात पुणे येथे वकिली व्यवसाया बरोबरच नोटरीचे देखील काम करतात त्यांची आणखी एक नवी ओळख ते एक उत्तम निवेदक आहेत, कवी, लेखक, साहित्यीक आहेत त्यांनी आगामी काळात खुप सुंदर विषयावर कविता सादर करून कवी रसिकांची मने जिंकली, ॲड.उमाकांत आदमाने हे नुकतेच नोटरी झाले असले कारणाने वकिली व्यवसाया बरोबरच त्यांनी लॉकडाऊनच्या काळात कवितेचा यशस्वी प्रवास करत साहित्य क्षेत्रात देखील आपला ठसा प्रामाणिकपणे उमटविला आहे, अनेक राजस्तरीय काव्य संमेलनात सहभाग घेऊन त्यांना साहित्य क्षेत्रातील उपक्रम आणि अनेक पुरस्कार त्यांना प्राप्त झाले आहेत, तसेच सामाजिक बांधिलकी जपत राज्य शासनाने त्यांची दखल घेत सामाजिक पुरस्कार सुद्धा बहाल केले राष्ट्रीय सेवा योजने अंतर्गत महाराष्ट्र शासनाचा ‘उत्कृष्ट स्वयंसेवक राज्य पुरस्कार’ मुंबई २००८-०९, व महाराष्ट्र शासनाचा ‘विशेष सामाजिक कार्य पुरस्कार’ लातूर २०१२.

पुणे येथील कवी, साहित्यिक, निवेदक मा. ॲड. उमाकांत आदमाने (नोटरी, भारत सरकार) यांनी या अगोदर अनेक जिल्हास्तरीय, राज्यस्तरीय, राष्ट्रीय स्तरावर निवेदकाची भूमिका बजावत कवी प्रेमींना आपल्या आवाजाच्या जादूने मंत्र मुग्ध केलेले आहे. कवी ॲड. उमाकांत मधुकर आदमाने मूळ गाव बोरगाव काळे, जिल्हा लातूर सध्या स्थायिक पुणे येथून विविध सामाजिक, शैक्षणिक, व साहित्यिक चळवळीत सक्रीय आहेत. कवी ॲड. उमाकांत मधुकर आदमाने हे सन २००९ पासून शिवाजीनगर जिल्हा सत्र न्यायालय, पुणे येथे वकीली व्यवसाय करीत असून सन २०२० मध्ये त्यांची भारत सरकार नोटरी पदी निवड झालेली असून नोटरी व्यवसाय सुद्धा प्रामाणिक पणे करीत आहेत. वकिली व्यवसाया बरोबरच त्यांनी लॉकडाऊनच्या काळात साहित्य विश्वात यशस्वी प्रवास करत या अगोदर साहित्य क्षेत्रात ९५ व्या अ.भा.मराठी साहित्य संमेलन, उदगीर, जि. लातूर येथे शांता शेळके कवी कट्टा वर आई या विषयावरील कविता मोठ्या दिमाखात सादर केली होती, ९६ व्या अ.भा. मराठी साहित्य संमेलन, वर्धा येथे प्रा. देविदास सोटे कवी कट्टा वर नुसत्या तुझ्या असण्याने, आई या विषयावरील कविता मोठ्या दिमाखात सादर केली होती, व ९७ व्या अ.भा.मराठी साहित्य संमेलन, अमळनेर, जळगाव येथे प्रेमकविता मोठ्या आनंदाने सादर केली, व ९८ व्या अ.भा.मराठी साहित्य संमेलन, दिल्ली येथे “शोध“ नावाची कविता सादर केली त्यामुळे साहित्यिक क्षेत्रात देखील आपला ठसा प्रामाणिकपणे उमटविला आहे, अनेक जिल्हास्तरीय, राजस्तरीय, राष्ट्रीय स्तरावर काव्यसंमेलनात सहभाग घेऊन त्यांनी आपल्या कविता सादर केल्या.  

कवी, साहित्यिक, निवेदक मा. ॲड. उमाकांत आदमाने (नोटरी, भारत सरकार) यांचे अनेक दिवाळी अंक, पाक्षिक, दैनिक वृत्त पत्रातून त्यांच्या कविता व लेख लेखन नेहमी येतच असते यापूर्वी, ज्येष्ठ कवी, लेखक मा. श्री. वसंत बापट, श्री. द.मा.मिरासदार, गझलकार श्री. सुरेश भट, ज्येष्ठ विचारवंत मा. श्री. श्रीपाल सबनीस, कवयीत्री अरुणा ढेरे, सौ. पदमावती कोरेकर, डॉ.न.म.जोशी, डॉ.अनिल अवचट, डॉ.कुमार सप्तर्षी, पद्मभूषण मा. श्री. अण्णा हजारे, या महान व्यक्तींचा सहवास आणि आशिर्वाद ॲड. उमाकांत आदमाने (नोटरी, भारत सरकार) लाभला आहे. यावर ॲड. उमाकांत आदमाने (नोटरी, भारत सरकार) यांनी सांगितले की या पुरस्काराने माझे साहित्य समाजापर्यत पोहोचेल, लोकांना समजेल, लिखाणासाठी प्रोत्साहन, उर्जा मिळेल. विशेष करून मी साप्ताहिक आम्ही मुंबईकरचे संपादक मा. प्रमोद सूर्यवंशी, उपसंपादक सौ. वसुदा नाईक, आणि ग्राफिक्स डिझाइनर मा. अंगद दराडे यांनी माझी या पुरस्कारासाठी निवड केली. त्याबद्दल मनापासून त्यांना धन्यवाद देतो. या पुरस्कार सोहळ्यात सांस्कृतिक आणि साहित्य क्षेत्रातील उल्लेखनीय कामगिरी करणा-या व्यक्तीला “सांस्कृतिक व साहित्यरत्न पुरस्कार २०२५” जाहीर केले असल्याचे संपादक प्रमोद सूर्यवंशी यांनी सांगितले आहे. ॲड. उमाकांत आदमाने (नोटरी, भारत सरकार) यांना सामाजिक व साहित्य क्षेत्रातील उल्लेखनीय कामगिरी बद्दल “सांस्कृतिक व साहित्यरत्न पुरस्कार २०२५” जाहीर होताच जिल्हा सत्र न्यायालय, पुणे व समाजाच्या विविध थरातून त्यांच्यावर अभिनंदन व शुभेच्छांचा वर्षाव होत आहे.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)