🛑 भविष्यातील विषाणू युद्ध रोखण्यासाठी डॉक्टरांनी संशोधन करावे.

🔴 भविष्यातील विषाणू युद्ध रोखण्यासाठी डॉक्टरांनी संशोधन करावे — खा.अजित गोपछडे. 

शिवगर्जना न्यूज, 

मराठवाडा प्रतिनिधी निळकंठ जाधव 

मुंबई येथे झालेल्या आर्थिक महासत्तेसोबतच भारताला वैद्यकीय क्षेत्रात जागतिक महासत्ता करण्याच्या अनुषंगाने पंतप्रधान नरेंद्र मोदी यांनी पाहिलेले स्वप्न साकार करण्यासाठी आणि आगामी काळातील संभाव्य विषाणू युद्ध रोखण्यासाठी देशातील संपूर्ण डॉक्टरांनी संशोधक झाले पाहिजे. यासाठी त्यांनी आता पासूनच पुढाकार घ्यावा असे आवाहन मी केले. मुंबईत आय.एम.ए. वतीने माझा भव्य सत्कार आयोजित करण्यात आला होता. 

या कार्यक्रमाचे अध्यक्ष स्थानी इंडियन मेडिकल असोसिएशन महाराष्ट्र अध्यक्ष डॉ. संतोष कदम यांची उपस्थिती होती. यावेळी डॉ.अनिल आव्हाड, डॉ.सौरभ संजानवाला, डॉ. जयेश लेले, डॉ. रश्मी मेहता, डॉ. मधुबाला चिंचाळकर, डॉ.अखिल कॉन्ट्रॅक्टर, डॉ.मनोहर बचानी यांची प्रमुख उपस्थिती होती. 

वैद्यकीय क्षेत्रात काम करणाऱ्या मान्यवरांशी संवाद साधून देशांने आर्थिक महासत्तेच्या दिशेने वाटचाल सुरू केली आहे. ह्या अकरा वर्षाच्या काळात जागतिक तिसरी अर्थसत्ता म्हणून उदयास आलेल्या भारतास समोर आता जगाचे नेतृत्व करण्याची नवी संधी उभी राहिली आहे. वैद्यकीय क्षेत्रात ही भारत सर्वोच्च स्थानावर पोहोचणार असून जागतिक क्षेत्रात तो अव्वल रहावा या अनुषंगाने पंतप्रधान नरेंद्र मोदी यांनी मोठे स्वप्न पाहिले आहे. याच अनुषंगाने आपण सर्वांनी आता संशोधन क्षेत्राकडे वळले पाहिजे. आतापर्यंत झालेली युद्ध ही हवाई, जल आणि वायू मार्गावरून झाले आहेत. मात्र भविष्यातील युद्ध हे विषाणूच्या माध्यमातून खेळली जाणार आहेत. शत्रु राष्ट्राकडून पाण्यातून, हवेतून, मोबाईल, आपल्या अन्नातून विषाणू पेरले जातील. त्यातून निर्माण होणारी युद्ध हे न दिसणारे असेल. मात्र त्याची परिणीती संबंध मानव जातीला हानिकारक ठरणारी असल्याने संभाव्य धोके लक्षात घेता अशा विषाणूंचा शोध घेऊन त्याचा बीमोड करण्यासाठी वैद्यकीय क्षेत्राने मोठे संशोधन करण्यासाठी पुढे येण्याची गरज आहे. अशा संशोधकांसाठी केंद्र सरकारने मोठ्या आर्थिक तरतुदी केल्या आहेत. ही बाब लक्षात घेता महाराष्ट्रातून याचा प्रारंभ व्हावा अशी अपेक्षाही व्यक्त केली.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)