🛑 आदिवासी बांधकाम कामगारांसाठी दिलासा.

🛑 आदिवासी बांधकाम कामगारांसाठी दिलासा – किरण अहिरे यांच्या पुढाकारामुळे त्रासमुक्त सेवा आणि सक्षमीकरण. 

शिवगर्जना न्यूज, 

नाशिक प्रतिनिधी डॉ. शाम जाधव 

शिरपूर.त-हाडी : दिनांक ३/७/२०२५ रोजी शासकीय योजनांचा खरा लाभ गरजूंपर्यंत पोहोचण्या ऐवजी कधी कधी प्रक्रिया इतकी गुंतागुंतीची आणि त्रासदायक असते की लाभार्थ्यांना योजना असून ही तिला गाठणं कठीण होतं. असाच अनुभव शिरपूर तालुक्यातील अभानपुर त-हाडी अनेक आदिवासी बांधकाम कामगारांनी घेतला होता.

बांधकाम कामगार नोंदणी व साहित्य लाभासाठी वारंवार धुळे जिल्ह्याच्या ठिकाणी व आमदार भवन शिरपूर येथे जावे लागणे, बरोबर आवश्यक कागदपत्रांची व बांधकाम कार्डाची पूर्तता, पुन्हा अर्ज सादर करणे, वेळोवेळी चौकशी करणे — या संपूर्ण प्रक्रियेमुळे आदिवासी महिलांना शारीरिक, मानसिक आणि आर्थिक त्रास सहन करावा लागत होता. विशेषतः ग्रामीण आणि दुर्गम भागातील महिलांना ही प्रक्रिया अधिकच कठीण वाटत होती.

या पार्श्वभूमीवर अधिकृत मल्टी सर्व्हिसेस सी.एस.सी. व सेतू केंद्र त-हाडीचे संचालक किरण अहिरे यांनी सामाजिक बांधिलकीचे उदाहरण घालून दिले. “सरकारच्या योजना गरिबांपर्यंत पोहोचल्या पाहिजेत, हेच खरे सेवा कार्य,” या तत्वाने प्रेरित होऊन त्यांनी आदिवासी कामगारांसाठी स्वतः पुढाकार घेतला.

स्वखर्चाने व निशुल्क सेवा देत ऑनलाईन नोंदणी पासून ते अर्ज सादर करणे, आवश्यक कागदपत्रांचे स्कॅनिंग व अपलोडिंग, अर्ज ट्रॅक करणे आणि किटचा लाभ मिळेपर्यंत सहकार्य करणे तसेच लाभार्थ्यांना तालुक्या स्तरावरून ऑनलाइन नोंदणी नंतर लाभार्थी किट वस्तू घेण्यासाठी स्वतः मोबाईल नंबर वर कॉल येईल व लाभार्थ्यांच्या त्रास कमी होईल हे सर्व काम अत्यंत शिस्तबद्ध, पारदर्शक आणि हृदयपूर्वक करण्यात आले.

या उपक्रमामुळे शेकडो आदिवासी महिलांना व बांधकाम कामगारांना फार मोठा दिलासा मिळाला. दलाल, गैरव्यवस्था, आणि भ्रष्टाचाराचा शिरकाव रोखला गेला. महिलांनी आपली कामं घराजवळच पूर्ण केल्यामुळे त्यांचा वेळ, पैसा व प्रवासाचा त्रास वाचला. विशेषतः निरक्षर व ज्येष्ठ लाभार्थ्यांना हे मार्गदर्शन अत्यंत मोलाचे ठरले.

या सेवेमुळे भारावून गेलेल्या आदिवासी महिलांनी किरण अहिरे यांचे मनःपूर्वक आभार मानले. काहींनी तर डोळ्यात पाणी आणून, “साहेब, तुम्ही नसतात तर आम्ही हक्काचा लाभ घेऊच शकलो नसतो,” अशा भावना व्यक्त केल्या.

किरण अहिरे यांचे हे कार्य केवळ एक सेवा नसून समाजप्रती असलेली जबाबदारी व संवेदनशीलता याचे मूर्त उदाहरण ठरले आहे. अशा प्रकारचे उपक्रम जर प्रत्येक गावात राबवले गेले, तर ‘डिजिटल इंडिया’ किंवा ‘समावेशी विकास’ ही केवळ घोषणा न राहता ती खऱ्या अर्थाने लोकांपर्यंत पोहोचेल, यावर शंका नाही. या वेळी कृषी मित्र किरण भामरे गौतम अहिरे यांचे सहकार्य लाभले. 

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)