🛑 विशेष मोहिमेत उत्कृष्ट कार्य करणाऱ्या देगलूर उपविभागीय अधिकारी अनूप पाटील यांचा सत्कार.

🛑 विशेष मोहिमेत उत्कृष्ट कार्याबद्दल देगलूर उपविभागीय अधिकारी कार्यालयाची निवड. 

शिवगर्जना न्यूज, 

जि. प्रतिनिधी ज्योती हंगे :

छ. संभाजी नगर

छ. संभाजी नगर : मुख्यमंत्री देवेंद्र फडणवीस यांच्यासंकल्पनेनुसार राज्यात राबवण्यात आलेल्या १०० दिवसांच्या कार्यालयीन सुधारणा विशेष मोहिमेत उत्कृष्ट कार्य करणाऱ्या देगलूर उपविभागीय अधिकारी कार्यालयाची निवड करण्यात आली. 

या विशेष मोहिमेत कार्यालयीन प्रक्रियेतील कार्यालयातील संकेतस्थळ अद्ययावत करणे, सुकर जीवनमान, स्वच्छता अभियान राबविणे, विविध योजने अंतर्गत तक्रार निवारण करणे, कार्यालयीन सोयी सुविधा उपलब्ध करणे, क्षेत्रीय कार्यालयांना भेटी देणे, कार्यालयीन ई-ऑफिस प्रणाली अद्ययावत करणे, आर्थिक व औद्योगिक गुंतवणुकीस प्रोत्साहन, अधिकारी, शेतक-यांना दिल्या जाणाऱ्या सेवा, कर्मचारी प्रशिक्षण व विषयक बाबी आणि कृत्रिम बुद्धीमत्ता तंत्रज्ञान (AI) वापर करणे, नावीन्य पूर्ण उपक्रम राबविणे, इत्यादी विषयांच्या अनुषंगाने कार्यालयीन सुविधा राबविण्यात आलेल्या आहेत. 

उत्कृष्ट कामगिरीबद्दल अनुप पाटील, उपविभागीय अधिकारी, देगलुर जि. नांदेड यांना छत्रपती संभाजीनगर विभागीय आयुक्त कार्यालयात आयोजित समारंभात गौरविण्यात आले. विभागीय आयुक्त मा. दिलीप गावडे यांच्या हस्ते त्यांना प्रशस्तीपत्र देऊन त्यांच्या आणि त्यांच्या टीमच्या उत्कृष्ट कार्याची प्रशंसा करण्यात आली. 

♦️मुख्यमंत्र्यांकडून विजेत्यांचे अभिनंदन. 

मुख्यमंत्री देवेंद्र फडणवीस यांनी सर्व विजेत्या अधिकाऱ्यांचे अभिनंदन केले. ते म्हणाले, गुणवत्ता मोहिम एक सुरवात आहे. भविष्यातील महाराष्ट्राच्या प्रशासनासाठी ही एक आदर्श कार्यपद्धती ठरेल. नागरिकांना जीवन सुखकर करण्यासाठी ही मोहीम सुरू करण्यात आली आहे. या मोहिमेचे चळवळी रुपांतर होऊन नागरिकांना उत्तम सेवा देण्यासाठी सर्व अधिकाऱ्यांनी काम करावे, असे आवाहन मुख्यमंत्र्यांनी केले.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)