🛑 सौदा चिठ्ठी द्वारे घरावर कब्जा करणाऱ्या विरुद्ध ॲट्रॉसिटी गुन्हा दाखल.

🔴 सौदा चिठ्ठी द्वारे घरावर कब्जा करणाऱ्या विरुद्ध नायगाव ठाण्यात ॲट्रॉसिटीचा गुन्हा दाखल.

शिवगर्जना न्यूज, 

नायगाव : बाळासाहेब पांडे

विधवा महिलेची फसवणूक करून सौदा चिठ्ठीच्या आधारे घर बळकवणाऱ्या वर नायगाव ठाण्यात ॲट्रॉसिटीचा गुन्हा दाखल झाला असून घटनेने या प्रकरणात वेगळेच वळण लागले आहे. 

नायगाव शहरातील सुंदर नगर येथील विधवा महिलेने प्रत्यक्ष ठाण्यात येऊन तक्रार दिली की नायगाव सुंदर नगर येथील आरोपी अरुण बालाजी धुमाळ, अविनाश धुमाळ, अजय धुमाळ, सरिता धुमाळ, शकुंतला धुमाळ, श्याम शिंदे इत्यादी लोकांनी मारहाण करून जीवे मारण्याची धमकी दिली व जाति वाचक शिवीगाळ केल्याची तक्रार दिनांक १९/०३/२०२५ रोजी देण्यात आली आहे. 

तक्रारीतील फिर्यादी द्रोपदाबाई श्रावण जाधव यांनी आपल्या स्वतःचे राहते घर अरुण बालाजी धुमाळ यास ३५ लाख रुपयात विक्री केली होती व त्याचा सौदा चिठ्ठी करार करून घेण्यात आला होता. करारा नुसार द्रोपदा जाधव ही अरुण धुमाळ यांच्या सौदा चिट्टी करून दिलेल्या घरी जाऊन मी आपणास सौदा चिठ्ठी सुट्टी करून दिली पण आपण मला पैसे दिले नाहीत. करारा प्रमाणे ३५ लाख रुपये तरी द्या किंवा घर खाली करा असे म्हणाल्याने जाती वाचक शिवीगाळ चां प्रकार घडला.

श्रीमती जाधव यांनी म्हटले की आरोपी अरुण बालाजी धुमाळ व त्यांच्या सहकाऱ्यांनी मला अपमानित करून लाथाबुक्क्यांनी मारून जीवे मारण्याची धमकी दिली व जातीवाचक शिवीगाळ करून हाकलून दिले. यावरून मी आबला महिला नायगाव पोस्टमध्ये येऊन वरील सर्व आरोपीच्या विरोधात तक्रार दिली आहे.

नायगाव पोलिसात अरुण बालाजी धुमाळ व त्यांच्या साथीदारा विरोधात भारतीय न्याय संहिता बी. एन,एस. २०२३,.१८९(२), १९१ (२),१९०,११५ (२), ३५१(२), ३५१ (३), अनुसूचित जाती आणि अनुसूचित जमाती अत्याचार प्रतिबंधक अधिनियम १९८९ कलम ३(१)r, ३(१) S व कलम ३(२) व्ही. ए, या कलमानुसार गुन्हा दाखल करून तपास विभागीय पोलीस अधिकारी बिलोली यांच्याकडे वर्ग करण्यात आला आहे.

नायगाव पोलिस ठाण्याला चकरा मारूनही आरोपींना अटक न केल्याने नांदेड जिल्हा पोलीस अधीक्षक यांना परत दुसरी तक्रार देऊन आरोपीस दिनांक ४/४/२०२५ पर्यंत अटक न केल्यास मी स्वतः जिल्हा पोलीस अधीक्षक कार्यालय नांदेड येथे दिनांक ५/४/२०२५ रोजी आत्मदहन करेल अशी तक्रार महिला फिर्यादी द्रोपदा जाधव यांनी दिली असल्याने नायगाव परिसरात एकच खळबळ उडाली आहे.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞

(9923072242)