🛑 अवैद्य रेतीच्या दोन हायवा जनतेने दिल्या पकडून

🔴अवैध रेतीच्या जनतेनी पकडून दिलेल्या दोन हायवा. 

महसूल विभागाच्या ढिलाईने वाळू माफियाने पळवल्या.

शिवगर्जना न्यूज, 

नायगाव : बाळासाहेब पांडे

हप्ता न दिलेली गाडी पकडून तहसीलदाराची धडाकेबाज कार्यवाही च्या बातम्या लाऊन घेत स्वतःची पाठ थोपटून घेणाऱ्या नायगाव तहसीलदार गायकवाड यांच्या कार्यालयातून जनतेनी पकडून दिलेली अवैध वाळूची हायवा महसूल कर्मचाऱ्यांनी तहसील कार्यालयाच्या आवारातून पळवून लावल्याची घटना दिनांक पाच मार्च रोजी नायगाव शहरात घडली… या मुळे नायगाव तहसीलची बेगडी कार्यवाही चे पितळ उघडे पडले आहे.

दि. ५ मार्च रोजी बरबडा तालुका नायगाव येथे भर दिवसा दोन हायवा रस्त्यावर जनतेनी पकडली. पण यातील हायवा जाग्या वरुनच पळवण्यात आली तर दुसरी हायवा चक्क तहसील कार्यालयाच्या आवारातून पळवण्यात आली. या प्रकारामुळे रेती माफीयांची महसूल मधल्या एका कर्मचाऱ्याच्या जीवावर दादागिरी किती वाढली आहे याचा अनुभव आला असून दोन्ही वाहणावर गुन्हे दाखल करण्यात येणार असल्याची माहिती महसूल विभागातून कळाली आहे.

दि. ५ मार्च रोजी दुपारी बरबडा भागात अवैध रेतीच्या हायवाने लहान मुलाला कट मारण्याचा प्रयत्न केल्याने संतप्त नागरिकांनी हायवा गाड्या पकडल्या.. नंतर महसूल व पोलीस अधिकाऱ्यांना भ्रमणध्वनी वरून माहिती दिली.

माहिती मिळली तेंव्हा मंडळ अधिकारी शितल स्वामी या मरवाळी तांडा येथे परीक्षा कामात होत्या. तेथून त्या बरबडा येथे पोहचल्या मात्र यावेळी नागरिकांनी तीव्र संताप व्यक्त केला याची चित्रफित सोशियल मीडियावर प्रसारित झाली. नागरिकांचा तीव्र संताप लक्षात घेऊन पुढील कारवाई करण्याच्या हालचाली स्वामी यांनी सुरु केल्या. या दरम्यान एम.एच. ४४, यु ०३७३ क्रमांकाची वाळूने भरलेली हायवा बरबडा येथूनच पळवण्यात आली. राहिलेली दुसरी हायवा एम.एच. २६, बी ई १६१४ ही नायगाव तहसील कार्यालयात सायंकाळी ६ वाजता मंडळ अधिकारी शीतल स्वामी यांनी रीतसर पंचनामा करून लावली. तहसीलच्या आवारात लावलेली हायवा दि. ५ मार्चच्या रात्री उशिरा महसूलच्या प्रांगणातून पळवण्यात आल्याची घटना घडली.

♦️तहसीलदाराची दुटप्पी कार्यवाही.

जशी परवा हप्ता न दिल्याने तहसीलदार यांनी पकडलेली हायवा कुंटूर पोलिसात लावली तशीच ही हायवा लावायची होती.आर्थिक तरदुदीने तसे न करता नायगाव तहसील कार्यालय आवारात जाणीव पूर्वक ही हायवा लावली …. तहसील कार्यालय गावाच्या बाहेर माळरानावर असून येथे रात्री अंधार असतो, रात्रीतून ही हायवा गायब झाल्याने हा सर्व प्रकार ठरवून झाल्याची चर्चा होत असून या मध्ये तहसीलदार यांचे विश्वासू कर्मचारी असल्याची चर्चा होत आहे. तहसीलदार गायकवाड यांच्या कडेच संशयाची सुई जात आहे.

♦️या बाबत वरिष्ठ अधिकारी उप विभागीय अधिकारी क्रांती डोंबे मॅडम, व मा. जिल्हाधिकारी कर्डिले साहेब यांनी लक्ष घालावे अशी मागणी जनतेतून होत आहे.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)