🛑 गायरान जमिनीवर रात्रंदिवस मुरुमाचे उत्खनन— प्रशासनाचे दुर्लक्ष

🔴 खपराळ येथील गायरान जमिनीवर रात्रंदिवस मुरुमाचे उत्खनन.. महसूल प्रशासनाचे दुर्लक्ष. 

शिवगर्जना न्यूज, 

कुंडलवाडी (सिध्दार्थ कांबळे)

 बिलोली तालूक्यातील खपराळा येथील शिवारातुन परवानगीच्या नावाखाली हजारो ब्रास मुरुमाचे उत्खनन होत आहे.याबाबत सविस्तर माहिती अशी की, बिलोली तालुक्यातील खपराळा येथे सर्वे नंबर २१९ या जमीनीवर दोनशे ब्रास मुरुम उत्खनन करण्याची परवानी नांदेड येथील गार्गी डेव्हलपर्स यांना १७ फेब्रुवारी ते २५ फेब्रूवारी पर्यंत मुरुम उत्खनन करण्याची परवानगी देण्यात आली परंतु संबंधित परवानगी धारकाने सर्वे नंबर मधून मुरूम उत्खनन न करता बाजूला काही अंतरावर असलेल्या गायरान जमीनीतुन जेसीबी च्या साह्याने हजारो ब्रास मुरुमाचे रात्री बेरात्री उत्खनन करण्यात येत आहे. याकडे महसूल विभागाचे तलाठी तथा मंडळ अधिकारी यांनी उत्खनन करणाऱ्याकडे अर्थ पुर्ण दूर्लक्ष करीत असल्याची चर्चा च्या या परिसरात होताना ऐकावयास मिळत आहे तर.तालूक्यात मुरूम, वाळू… विटा तयार करण्यासाठी लागणारी माती याची सुध्दा अवैध मार्गाने वाहतुक होत आहे. याकडे तहसिल प्रशासनाने स्वतः लक्ष देऊन अवैध धंदे करणाऱ्या लोकांवर कारवाई करण्याची गरज आहे. असे येथील नागरिकांमधून बोलले जात आहे.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)