🔴 विधानसभा निवडणूक अपक्ष म्हणून रिंगणात सज्ज— डॉ.मिनल खतगावकर.

🔴 विधानसभा अपक्ष म्हणून निवडणूक  लढविणार —- डॉ. मिनल खतगावकर.

शिवगर्जना न्यूज,
नांदेड प्रतिनिधी/निळकंठ जाधव

 डॉ. मीनल पा. खतगावकर यांनी नायगाव विधानसभा मतदार संघाचा गड बनून अपक्ष निवडणूक लढवणार अशी माहिती सामोर येत असल्याचे चित्र दिसून येत आहे. भारतीय जनता पक्षाने डॉ. मीनल पाटील खतगावकर यांना विधान परिषदेवर संधी देण्याचे आश्वासन देऊन वेटींगवर ठेवले. पुन्हा येणाऱ्या विधानसभा निवडणूकी पुर्वी राज्यपाल नियुक्त कोट्यातून विधान परिषदेवर घ्यावे अन्यथा नायगाव विधान सभेतून डॉ. मीनल पाटील खतगावकर यांनी अपक्ष म्हणुन निवडणूक लढवावी अशी भावना खतगावकर समर्थक यांचे होती मात्र आता अपक्ष निवडणूक लढवणार. कार्यकर्त्यानी ज्येष्ठ नेते माजी खा. भास्करराव पाटील खतगावकर यांच्याकडे बोलून दाखवली आहे.

भास्करराव पाटील खतगावकर यांनी सन २०१४ मध्ये बिनशर्त भारतीय जनता पक्षात प्रवेश करुन अत्यंत क्षीण झालेल्या भाजप ला मोठ्या प्रमाणात उभारी दिली अनेक दिग्गज नेत्यांना भा.ज.पा. त आणले त्यामुळे लोकसभा निवडणूकीत नांदेड मधून कॉंग्रेस पराभूत झाली पण खतगावकरांनी भा.ज.पा. वाढविण्यात नांदेड जिल्हयात जेवढी मेहनत केली त्या तुलनेत भाजपाने त्यांना राजकीय शक्ती दिली नाही हे पण तेवढेच खरे आहे.

सन २०१९ च्या विधानसभा निवडणूकीत नायगाव विधानसभा मतदार संघातून डॉ. मीनल पाटील खतगावकर यांना उमेदवारी देण्यासंबंधी भा.ज.पा. ने समर्थतता दर्शविली होती. त्या अनुषंगाने डॉ. मीनल पाटील यांनी दोन वर्षा पुर्वीपासून कार्यकर्त्याचा मोठा संच तयार करुन संपुर्ण विधानसभा मतदार संघ पिंजुन काढला होता यात तिळ मात्र शंका नाही. नायगाव, धर्माबाद, उमरी या ०३ ही तालूक्यातून डॉ. मीनल पाटील यांच्याबद्दल लोक मतातून सहानुभूती निर्माण झाली होती. पण भा.ज.प. नेतृत्वाने पुन्हा ऐनवेळी सन २०१४ च्या निवडणूकीत पराभुत झालेले राजेश पवार यांनाच उमेदवारी दिली आणि डॉ. मीनल पाटील खतगावकर यांच्यावर पक्षाकडून अन्याय झाला.

दरम्यान च्या कोवीड काळात देगलूर विधानसभेचे विद्यमान आमदार रावसाहेब अंतापुरकर यांचे निधन झाले आणि या पोट निवडणूकीत स्व.रावसाहेब अंतापुरकर यांचे चिरंजीव जितेश अंतापुरकर यांना निवडून आणायचे असेल तर भास्करराव पाटील खतगावकर यांच्या शिवाय पर्याय नाही म्हणुन काँग्रेस नेतृत्वाने खतगावकरांना कॉंग्रेस मध्ये येण्याची ऑफर दिली. कॉंग्रेस मध्ये प्रवेश करुन घेतला आणि जितेश अंतापुरकरांना खतगावकर यांनी मोठ्या मता धिक्याने निवडूनही आणले.

सन २०२४ च्या लोकसभा निवडणुकी पुर्वी स्वतः अशोकराव चव्हाण यांनीच अचानकपणे भा.ज.पा. मध्ये प्रवेश करण्याचा निर्णय घेतला आणि त्याच दिवशी भास्करराव पाटील खतगावकर यांनी देखील नांदेड जिल्हयाच्या विकासासाठी अशोकरावांना सहकार्य करणार असल्याचे पत्रकार परिषद घेवुन जाहीर केले होते. अशोकरावांच्या भा.ज.पा. प्रवेशाला सर्वप्रथम भास्करराव पाटील खतगावकरांसह माजी आ. ओमप्रकाश पोकर्णा व माजी आ. अविनाश घाटे यांनादेखील या पत्रकार परिषदेला बोलावुन या तिघांनी अशोकरावांच्या नेतृत्वाखाली भा.ज.पा. मध्ये काम करण्याचे मान्य केले.

लोकसभा निवडणूक डॉ. मीनल पाटील खतगावकर या काँग्रेस पक्षाकडून लढवण्याची तयारी यापुर्वीच केली होती त्यास अशोकराव चव्हाण यांनीही दुजोरा दिला होता. त्यामुळे अशोकरावांच्या भाजपा प्रवेशामुळे डॉ. मीनल पाटील खतगावकर यांना भाजपा कडून लोकसभेचे उमेदवारी मिळेल असे वाटले होते मात्र भा.ज.पा. ने त्यांना वेटींग वरच ठेवले व पुन्हा प्रतापराव चिखलीकरांना उमेदवारी दिल्या गेली त्यावेळी डॉ. मीनल पाटील खतगावकर यांना विधान परिषदेवर घेण्याचे आश्वासन भा.ज.पा. च्या वरिष्ठ नेत्यांने दिले होते पण अद्याप ही डॉ. मीनल पाटील खतगावकर यांच्यावर भाजपाकडून वेळोवेळी अन्यायच होत असल्याची भावना खतगावकर समर्थकांमध्ये व्यक्त होत आहे.

येणाऱ्या विधानसभा निवडणूकी पुर्वी राज्यपाल नियुक्त कोट्यातून विधान परिषदेवर घ्यावे अन्यथा डॉ. मीनल पाटील खतगावकर यांनी नायगाव विधानसभा मतदारसंघातून अपक्ष निवडणूक लढवावी अशी आग्रही मागणी खतगावकर समर्थक कार्यकर्त्यानी भास्करराव पाटील खतागवकर यांच्याकडे केली आहे. खतगावकरांनी देखील पुन्हा अन्याय झाल्यास निश्चीत कार्यकर्त्याच्या भावनेची कदर करुन आपण निर्णय घेऊ असे सांगितल्याचे कळते. त्यामुळे यावेळी नायगाव विधानसभेतून तिकीट नाही भेटल्यास डॉ. मीनलताई पाटील खतगावकर या “फिक्स” अपक्ष उमेदवार असल्याची भावना खतगावकर समर्थक व खतगावकर कुटुंबीय व नायगाव विधानसभेतील जनतेने आमच्या प्रतिनिधीशी बोलतांना व्यक्त केले.