🔴 वाढदिवस सामाजिक उपक्रमातून साजरा; श्रीकांत सोमठाणकर यांच्याकडून विद्यार्थ्यांना शालेय साहित्य वाटप.

93

By Shahaji Warkhinde

October 30, 2026

🔴 कै. प्रताप पाटील सोमठाणकर छावा यांचा सामाजिक वारसा पुतणे श्रीकांत पांडुरंग कदम सोमठाणकर यांनी जपला; वाढदिवसानिमित्त शालेय साहित्य वाटप

शिवगर्जना न्यूज,

नायगाव : प्रतिनिधी

वाढदिवसाचा अनावश्यक खर्च टाळून सामाजिक उपक्रमातून आनंदोत्सव; विद्यार्थ्यांना शालेय साहित्याचे वाटप

सोमठाणकर : कै. प्रताप पाटील सोमठाणकर छावा यांनी जपलेल्या सामाजिक वारशाला पुढे नेत त्यांचे पुतणे श्रीकांत. पांडुरंग कदम सोमठाणकर यांनी आपला वाढदिवस सामाजिक उपक्रम राबवून साजरा केला. वाढदिवसानिमित्त शालेय विद्यार्थ्यांना शालेय साहित्याचे वाटप करून त्यांनी समाजाप्रती असलेली आपली बांधिलकी जपली.

आजच्या काळात वाढदिवस म्हटले की मोठा खर्च, भव्य कार्यक्रम आणि दिखाऊपणाला महत्त्व दिले जाते. मात्र, या परंपरेला फाटा देत श्रीकांत. पांडुरंग कदम सोमठाणकर यांनी विद्यार्थ्यांच्या शैक्षणिक गरजांना प्राधान्य देत सामाजिक उपक्रमातून आपला वाढदिवस साजरा केला. त्यांच्या या उपक्रमामुळे विद्यार्थ्यांना शैक्षणिक साहित्याचा लाभ मिळाला, तसेच सामाजिक कार्यातून आनंद साजरा करण्याचा प्रेरणादायी संदेश समाजापर्यंत पोहोचला.

कै. प्रताप पाटील सोमठाणकर छावा यांनी निर्माण केलेल्या सामाजिक वारशाची जपणूक करणे आणि तो पुढील पिढीपर्यंत पोहोचवणे, हीच त्यांच्या कार्याला खरी आदरांजली ठरते. श्रीकांत पांडुरंग कदम सोमठाणकर यांनी वाढदिवसाच्या निमित्ताने केलेला हा उपक्रम सामाजिक जाणिवेचे आणि समाजाप्रती असलेल्या कर्तव्याचे उत्तम उदाहरण आहे.

वाढदिवस साजरा करताना समाजातील गरजू घटकांना मदतीचा हात देणे, विद्यार्थ्यांच्या शिक्षणाला प्रोत्साहन देणे आणि सामाजिक बांधिलकी जपणे, हाच या उपक्रमाचा खरा संदेश आहे. त्यांच्या या स्तुत्य उपक्रमाचे सर्व स्तरांतून कौतुक होत असून, अशा सामाजिक उपक्रमांमुळे समाजात सेवाभावाची भावना अधिक दृढ होण्यास मदत होईल.

सामाजिक कार्यातून वाढदिवस साजरा करणाऱ्या श्रीकांत. पांडुरंग कदम सोमठाणकर यांना वाढदिवसाच्या शुभेच्छा देण्यासाठी उपस्थित जिल्हा परिषद शाळेचे अध्यक्ष आनंदा बळीराम पाटील कदम राष्ट्रवादी काँग्रेस युवा नायगाव तालुका अध्यक्ष संदीप पाटील सोमठाणकर संभाजी ब्रिगेड नायगाव तालुका अध्यक्ष बालाजी पाटील देशमुख नरंगलकर मनोज पाटील सोमठाण कर केशव पाटील सोमठाणकर दत्ता पाटील चव्हाण कहाळेकर व सर्व शिक्षक मंडळी स्टॉप व गावातील सर्व प्रतिष्ठित नागरिक उपस्थित होते

🔴मुख्य संपादक: श्री शहाजी वरखिंडे मो. 923072242

Previous article

🔴 सोयाबीनमधील अवैध कट्टी तात्काळ बंद करा; अन्यथा राष्ट्रीय मराठा महासंघ आक्रमक होणार.

Next article

🔴 दुष्काळावर मात करण्यासाठी नांदेड जिल्ह्यात ठोस विकास आराखडा तयार करा.

Shahaji Warkhinde

ताज्या बातम्या

ताज्या बातम्या