🔴 नायगाव येथे ५४ वे तालुकास्तरीय बालवैज्ञानिक विज्ञान प्रदर्शन उत्साहात संपन्न.

🔴 नायगाव येथे ५४ वे तालुकास्तरीय बालवैज्ञानिक विज्ञान प्रदर्शन उत्साहात संपन्न

३३ शाळांचा सहभाग; विद्यार्थ्यांच्या वैज्ञानिक दृष्टिकोनाला मिळाली चालना

शिवगर्जना न्यूज,

नायगाव प्रतिनिधी

२०२६ : शिक्षण विभाग, पंचायत समिती नायगाव यांच्या वतीने आयोजित ५४ वे तालुकास्तरीय बालवैज्ञानिक विज्ञान प्रदर्शन जिल्हा परिषद हायस्कूल मुलींचे, नायगाव येथे उत्साहपूर्ण वातावरणात संपन्न झाले. या प्रदर्शनात उच्च प्राथमिक विभागातील १६, माध्यमिक विभागातील १५ आणि दिव्यांग विद्यार्थी गट २ अशा एकूण ३३ प्रयोगाचे सादरीकरण करण्यात आले. विद्यार्थ्यांनी विविध वैज्ञानिक प्रतिकृती, प्रयोग आणि नाविन्यपूर्ण संकल्पनांच्या माध्यमातून आपल्या कल्पकतेचे दर्शन घडविले.

‘शाश्वत व विकसित भारतासाठी विज्ञान, तंत्रज्ञान व नवोन्मेष’ या संकल्पनेवर आधारित प्रदर्शनातून विद्यार्थ्यांमध्ये वैज्ञानिक दृष्टिकोन, संशोधनवृत्ती, सर्जनशीलता आणि समस्यांचे निराकरण करण्याची क्षमता विकसित करण्याचा संदेश देण्यात आला. विद्यार्थ्यांनी तयार केलेल्या विविध विज्ञान प्रतिकृतींमधून पर्यावरण संवर्धन, तंत्रज्ञानाचा वापर, दैनंदिन जीवनातील वैज्ञानिक दृष्टिकोन आणि भविष्यातील विकासाच्या संधी यांचे दर्शन घडले.

प्रमाणपत्र वितरण सोहळ्याच्या अध्यक्षस्थानी श्री. उमाकांत डिंगणे होते. यावेळी प्रमुख उपस्थिती म्हणून शिक्षण विस्तार अधिकारी श्री उद्धव ढगे, श्री व्यंकट जाधव, केंद्रप्रमुख श्री कपिल गारटे, श्री निरडुडे, श्री मंगेश हनवटे, मुख्याध्यापक श्री गणेश पांचाळ आणि व्यंकट गाजलवाड आणि शालेय विद्यार्थी मोठ्या प्रमाणात उपस्थित होते. विद्यार्थ्यांचा उत्स्फूर्त प्रतिसाद आणि परीक्षकांच्या तपासणीअंती ओऍसिस इंग्लिश स्कूल कुंटूर, लिटल स्टेप इंग्लिश स्कुल नायगाव, जनता हायस्कूल नायगाव,, ब्लू बर्ड्स टेकनो स्कूल गडगा, लिटिल स्टेप इंग्लिश स्कुल नायगाव, दत्त माध्यमिक विद्यालय नायगाव आदी शाळांना जिल्हा स्तरावर होणाऱ्या विज्ञान प्रदर्शनामध्ये सहभागी होण्यासाठी प्राधान्यक्रम देण्यात आले. उपस्थित मान्यवरांच्या हस्ते सहभागी विद्यार्थ्यांना प्रमाणपत्रांचे वितरण करण्यात आले.

विज्ञान प्रदर्शनातील प्रतिकृतींचे परीक्षण श्रीमती नुकूलवार मॅडम, सचिन तेहरा सर,केंद्रप्रमुख, निरदुडे आणि श्री. आवेज शिक्षक वृंद यांनी केले. परीक्षकांनी विद्यार्थ्यांच्या वैज्ञानिक संकल्पना, प्रतिकृतींची उपयुक्तता, सादरीकरण आणि नाविन्यपूर्ण विचारांचे मूल्यमापन केले.

या प्रदर्शनामुळे विद्यार्थ्यांना आपल्या कल्पना प्रत्यक्ष कृतीत उतरविण्याची, वैज्ञानिक प्रयोग सादर करण्याची आणि इतर विद्यार्थ्यांच्या संशोधनात्मक उपक्रमांतून नवे ज्ञान मिळविण्याची संधी उपलब्ध झाली. अशा उपक्रमांमुळे ग्रामीण भागातील विद्यार्थ्यांमध्ये विज्ञानाविषयी आवड निर्माण होऊन भविष्यातील संशोधक आणि नवोन्मेषक घडण्यास मदत होईल, असा विश्वास यावेळी व्यक्त करण्यात आला.

कार्यक्रमाच्या यशस्वितेसाठी शिक्षण विभाग, पंचायत समिती नायगाव, सहभागी शाळांचे मुख्याध्यापक, विज्ञान शिक्षक, मार्गदर्शक शिक्षक आणि आयोजकांनी परिश्रम घेतले.विज्ञानाची वाट… उज्ज्वल भविष्याकडे! या संदेशाने ५४ व्या तालुकास्तरीय बालवैज्ञानिक विज्ञान प्रदर्शनाची सांगता झाली.

🔴मुख्य संपादक: श्री शहाजी वरखिंडे                  मो. 9923072242