🔴 साई दुर्गा मंडळ नायगाव वतीने नेत्रतपासणी शिबिर,१९० नागरिकांची नेत्रतपासणी.

🔴 साई दुर्गा मंडळ नायगाव च्या वतीने कै. राजेश्वर कत्तुरवार यांच्या स्मरणार्थ नेत्रतपासणी शिबिर,१९० नागरिकांची नेत्रतपासणी.

शिवगर्जना न्यूज,

नायगाव :प्रतिनिधी

नायगाव येथील स्वामी रामानंद तीर्थ चौक, जुना मोंढा परिसरातील साई दुर्गा नवरात्र महोत्सवाच्या वतीने कै. राजेश्वर लच्छमन्ना कत्तुरवार यांच्या स्मरणार्थ नेत्रतपासणी शिबिराचे आयोजन करण्यात आले होते. या शिबिरात तब्बल १९० नागरिकांची नेत्रतपासणी करण्यात आली. सामाजिक बांधिलकी जपत आयोजित केलेल्या या उपक्रमाला नागरिकांचा प्रतिसाद मिळाला.

शिबिराचा शुभारंभ प्रमुख पाहुणे माने नेत्रालयाचे सुप्रसिद्ध नेत्रतज्ज्ञ डॉ. शैलेश बच्चुवार यांच्या उपस्थितीत दीपप्रज्वलनाने करण्यात आला.

सामाजिक कार्यकर्ते मारोती कतुरवार यांच्या पुढाकारातून ठेवलेल्या शिबिरात ओमप्रकाश नारलावार, मारोती कत्तुरवार, संदीप देमेवार आणि प्रदीप देमेवार यांच्या हस्ते दीप प्रज्वलन करण्यात आले. नेत्रतपासणीच्या माध्यमातून नागरिकांना डोळ्यांच्या आरोग्याबाबत जागरूक करणे आणि आवश्यक तपासणीची सुविधा उपलब्ध करून देणे हा या उपक्रमाचा उद्देश होता.

या प्रसंगी साई दुर्गा नवरात्र महोत्सवाचे अध्यक्ष विनायक शंकरराव चव्हाण यांच्यासह बालाजी तळणीकर, संदीप देमेवार, मारोती कत्तुरवार, माधव चव्हाण, प्रदीप देमेवार, साईनाथ चौधरी आणि बाळू सोनकांबळे यांच्या वतीने डॉ. शैलेश बच्चुवार यांचा शाल व साईबाबांची मूर्ती देऊन सत्कार करण्यात आला.

या वेळी परिसरातील माता-भगिनी, नागरिक आणि महोत्सवाचे पदाधिकारी उपस्थित होते. कै. राजेश्वर लच्छमन्ना कत्तुरवार यांच्या स्मरणार्थ आयोजित करण्यात आलेल्या या उपक्रमातून आरोग्यसेवेचा सामाजिक संदेश देण्यात आला.

🔴मुख्य संपादक: श्री शहाजी वरखिंडे                   मो. 9923072242