🔴 मांजरममध्ये १७ वर्षीय तरुणाची आत्महत्या; मृतदेहाजवळील चिठ्ठीत मराठा आरक्षणाचा उल्लेख.

230

By Shahaji Warkhinde

October 2, 2026

🔴 मांजरममध्ये १७ वर्षीय तरुणाची आत्महत्या; मृतदेहाजवळील चिठ्ठीत मराठा आरक्षणाचा उल्लेख.

शिवगर्जना न्यूज,

नायगाव : बाळासाहेब पांडे

मांजरम (ता. नायगाव) येथे १७ वर्षीय सचिन मधुकरराव शिंदे या तरुणाने राहत्या घरी गळफास घेऊन आत्महत्या केल्याची दुर्दैवी घटना १ ऑक्टोबर रोजी सायंकाळी घडली. या घटनेमुळे मांजरम गावावर शोककळा पसरली असून, मृत तरुणाच्या खिशात आढळलेल्या चिठ्ठीत मराठा आरक्षणाचा उल्लेख असल्याची माहिती पोलिस पंचनाम्यात समोर आली आहे.

घरात आढळला गळफास घेतलेल्या अवस्थेत मृतदेह

मिळालेल्या माहितीनुसार, १ ऑक्टोबर रोजी सायंकाळी ६ ते ७ वाजण्याच्या सुमारास सचिन हा घरातील एका खोलीत गेला होता. त्यावेळी घरात सचिन आणि त्याचे आजोबा यशवंत शिंदे हे दोघेच होते. आजोबा शेतावरून घरी परतल्यानंतर त्यांना सचिन गळफास घेतलेल्या अवस्थेत आढळून आला.

आजोबांनी तातडीने विळ्याच्या साहाय्याने दोरी कापून सचिनला खाली घेतले. त्यांच्या आरडा ओरडीनंतर परिसरातील नागरिकांनी घटनास्थळी धाव घेतली. सचिनला तातडीने मांजरम येथील प्राथमिक आरोग्य केंद्रात दाखल करण्यात आले. मात्र, वैद्यकीय तपासणीनंतर डॉक्टरांनी त्याला मृत घोषित केले. त्यानंतर मृतदेह शवविच्छेदनासाठी नायगाव येथील ग्रामीण रुग्णालयात नेण्यात आला.

खिशातील चिठ्ठीत मराठा आरक्षणाचा उल्लेख

घटनेची माहिती मिळताच पोलिसांनी घटनास्थळी धाव घेऊन पंचनामा केला. यावेळी मृत सचिनच्या कपड्याच्या उजव्या खिशात एक चिठ्ठी आढळून आल्याची माहिती आहे. या चिठ्ठीत मराठा आरक्षणाचा उल्लेख करून आत्महत्या करीत असल्याचे नमूद असल्याची नोंद पंचनाम्यात करण्यात आल्याचे सांगण्यात आले.

मात्र, चिठ्ठीतील मजकुराची सत्यता, त्याची पार्श्वभूमी आणि या घटनेशी असलेला संबंध याबाबत पोलिसांकडून तपास सुरू आहे. त्यामुळे आत्महत्येचे नेमके कारण तपास पूर्ण झाल्यानंतरच स्पष्ट होणार आहे.

रात्री उशिरा अंत्यसंस्कार

पंचनामा आणि शवविच्छेदनाची प्रक्रिया पूर्ण झाल्यानंतर मृतदेह नातेवाईकांच्या ताब्यात देण्यात आला. त्यानंतर रात्री उशिरा मांजरम येथील स्मशानभूमीत सचिनवर अंत्यसंस्कार करण्यात आले.

सचिनच्या अकाली निधनाने शिंदे कुटुंबावर दुःखाचा डोंगर कोसळला असून, या घटनेमुळे मांजरम गावासह परिसरात हळहळ व्यक्त होत आहे.

चिठ्ठीतील मजकुराबाबत पोलिसांकडून तपास

मृत सचिन च्या खिशात आढळलेल्या चिठ्ठीत मराठा आरक्षणाचा उल्लेख असल्याची नोंद पोलिस पंचनाम्यात करण्यात आली आहे. चिठ्ठीतील मजकूर, त्याची पार्श्वभूमी आणि आत्महत्येच्या घटनेशी त्याचा संबंध याबाबत पोलीस तपास करीत आहेत. तपासातूनच घटने मागील नेमके कारण स्पष्ट होणार आहे.

🔴मुख्य संपादक: श्री शहाजी वरखिंडे

9923072242

Previous article

🛑 महात्मा गांधींचा अहिंसा व स्वच्छतेचा संदेश आत्मसात करणे गरजेचे

Next article

🛑 बाळासाहेबांचे विचार म्हणजे अंगार, फक्त फुंकर मारण्याची गरज — संपर्क प्रमुख किशोर पोतदार

Shahaji Warkhinde

ताज्या बातम्या

ताज्या बातम्या