🛑 देगलूरमध्ये महिलांसाठी आरोग्य तपासणी शिबिर; ‘सेवा संकल्प अभियानाला’ उत्स्फूर्त प्रतिसाद.

🛑 देगलूरमध्ये महिलांसाठी आरोग्य तपासणी शिबिर; ‘सेवा संकल्प अभियानाला’ उत्स्फूर्त प्रतिसाद.

मुख्याधिकारी निलम कांबळे यांच्या पुढाकारातून उपक्रम; रक्तदाब, मधुमेह, थायरॉईड, ECGसह विविध तपासण्या

शिवगर्जना न्यूज, देगलूर प्रतिनिधी

देगलूर नगर परिषदेच्या वतीने शासन निर्णयानुसार ‘सेवा परमोधर्म’ या उक्तीच्या भावनेतून सामान्य नागरिकांपर्यंत विविध सेवा पोहोचविण्याच्या उद्देशाने ‘सेवा संकल्प अभियान’ राबविण्यात येत आहे. या अभियानाचा एक भाग म्हणून देगलूर शहरातील महिलांसाठी शहरी प्राथमिक आरोग्य केंद्र (UPHC) येथे आरोग्य तपासणी शिबिराचे आयोजन करण्यात आले.

मुख्याधिकारी श्रीमती निलम कांबळे यांच्या पुढाकारातून आयोजित या शिबिरात महिलांची रक्तदाब, मधुमेह, थायरॉईड, ECG तसेच इतर आवश्यक आरोग्य तपासण्या करण्यात आल्या.

तपासणीदरम्यान काही महिलांमध्ये थायरॉईडशी संबंधित लक्षणे आढळून आल्याने पुढील तपासणीसाठी त्यांच्या रक्ताचे नमुने घेण्यात आले. महिलांनीही आरोग्याबाबत जागरूकता दाखवत शिबिराला उत्स्फूर्त प्रतिसाद दिला.

या आरोग्य तपासणी शिबिरासाठी आरोग्य अधिकारी डॉ. आश्विनी गउळकर तसेच त्यांच्या आरोग्य पथकाचे मोलाचे सहकार्य लाभले. नगर परिषदेच्या या उपक्रमामुळे महिलांना त्यांच्या आरोग्याची तपासणी करून घेण्याची सुविधा उपलब्ध झाली.

🔴मुख्य संपादक: श्री शहाजी वरखिंडे                  मो. 9923072242