🛑 दुगाव श्रेयाचा राज्यस्तरीय भरारी; गुणवत्ता यादीत १४ वा क्रमांक स्वातंत्र्य दिनी पालक मंत्री यांच्या हस्ते गौरव.

🔴 दुगावच्या कन्येची राज्यस्तरीय भरारी; श्रेया कबनुरेचा गुणवत्ता यादीत १४वा क्रमांक.

दुगावची कन्या ठरली राज्याची गुणवंत; स्वातंत्र्यदीनी पालकमंत्री अतुल सावे यांच्या हस्ते होणार गौरव.

शिवगर्जना न्यूज,

नायगाव : बाळासाहेब पांडे

महाराष्ट्र राज्य परीक्षा परिषद, पुणे यांच्या वतीने घेण्यात आलेल्या पूर्व माध्यमिक शिष्यवृत्ती परीक्षेत दुगाव नगरीची भूमिकन्या श्रेया नागोराव कबनुरे हिने आपल्या गुणवत्तेची राज्यस्तरावर मोहोर उमटविली आहे. इयत्ता आठवीच्या शिष्यवृत्ती परीक्षेत ८४.५६ टक्के गुण मिळवत राज्य गुणवत्ता यादीत १४वा क्रमांक पटकावत तिने दुगावसह नांदेड जिल्ह्याच्या शैक्षणिक लौकिकात मानाचा तुरा रोवला आहे.

श्रेयाच्या या उल्लेखनीय यशाबद्दल येत्या १५ ऑगस्ट रोजी स्वातंत्र्यदिनाच्या कार्यक्रमात नांदेड जिल्हाधिकारी कार्यालयात पालकमंत्री अतुल सावे यांच्या हस्ते स्मृति चिन्ह व प्रमाणपत्र देऊन तिचा गौरव करण्यात येणार आहे. त्यामुळे दुगावसह परिसरात तिच्या यशाचा आनंदोत्सवाचे वातावरण निर्माण झाले आहे.

बिलोली तालुक्यातील दुगाव येथील श्रेया कबनुरे सध्या नांदेड येथील नागार्जुना पब्लिक स्कूलमध्ये शिक्षण घेत आहे. शहरी भागातील सी.बी.एस.ई. माध्यमातून शिक्षण घेत असतानाही महाराष्ट्र राज्य परीक्षा परिषदेच्या शिष्यवृत्ती परीक्षेत तिने मिळविलेले यश विशेष कौतुकास्पद मानले जात आहे. राज्यातील गुणवंत विद्यार्थ्यांमध्ये स्थान मिळवत श्रेयाने आपल्या कुटुंबाचे, शाळेचे, दुगावचे तसेच नांदेड जिल्ह्याचे नाव उज्ज्वल केले आहे.

ग्रामीण मातीतील गुणवत्तेची राज्यस्तरावर झेप. 

ग्रामीण भागातून आलेल्या विद्यार्थिनीने शहरी व सीबीएसई माध्यमातील विद्यार्थ्यांमध्ये चमकदार कामगिरी करत राज्य गुणवत्ता यादीत स्थान मिळविल्याने श्रेयाच्या यशाकडे विशेष कौतुकाने पाहिले जात आहे. तिच्या या यशामुळे ग्रामीण भागातील विद्यार्थ्यांमध्येही स्पर्धात्मक परीक्षांची तयारी करण्यासाठी नवा आत्मविश्वास निर्माण झाला आहे. ‘गुणवत्तेला योग्य दिशा, मेहनतीला सातत्य आणि ध्येयाला जिद्दीची जोड मिळाली तर ग्रामीण भागातील विद्यार्थीही राज्याच्या गुणवत्तेच्या शिखरावर पोहोचू शकतात’, याचे श्रेयाने उदाहरण घालून दिले आहे.

श्रेयाच्या या राज्यस्तरीय यशाबद्दल काँग्रेसचे प्रदेश सरचिटणीस केदार पाटील साळुंके, सपोनि पुणे अनिता साळुंके, संचालक माधव पाटील नरवाडे, बळवंत पोलीस पाटील कदम, विलास पाटील पुयड, पत्रकार बालाजी हिवराळे, उच्च शणी मुख्याध्यापक मारोती खैरगावे, यादव गुरुजी साळुंके, गोडबोले सर, आनंदराव गुरूजी वाघमारे, शेषराव गुरूजी भंडारे, शंकर हसगूळे सर, श्रीपत पाटील साळुंके, माधव पाटील कबनुरे, रमेश गुरूजी साळुंके, दिगांबर गुरुजी साळुंके, व्यंकट गुरूजी साळुंके, शिवाजी गुरुजी जाधव, बालाजी गुरुजी जाधव, बालाजी गुरुजी खैरगांवे, मानसिंग गुरुजी कदम, पांडुरंग गुरुजी भंडारे, इंजिनिअर जैनोदीन शेख, चेअरमन माधवराव पाटील जाधव, सूर्यकांत पाटील जाधव, माजी सरपंच बालाजी पाटील कदम, सरपंच प्रतिनिधी शंकरराव पाटील जाधव, माजी पं. स. सदस्य संभाजी शेळके, उपसरपंच देविदास भंडारे, मारोतराव पाटील साळुंके, दत्तराम पाटील साळुंके, शिवाजी पाटील साळुंके, हनमंत पाटील कदम, बालाजी पाटील साळुंके, आनंदराव पाटील कबनुरे, संग्राम पाटील पुयड, व्यंकटराव पाटील शिंदे, डॉ. राजीव भंडारे, सैनिक ज्ञानेश्वर शेळके, तानाजी पाटील शिंदे, पत्रकार प्रल्हाद भंडारे, साहेबराव मोकमपल्ले, राजीव पांचाळ, लक्ष्मण नांगरे, बंटी रायकवाड, फेरोज शेख, नागनाथ पंगेवार, प्रल्हाद रायकवाड यांच्यासह दुगाव ग्रामस्थांनी श्रेयाचे अभिनंदन केले.

🎯 दुगावच्या शिरपेचात मानाचा तुरा!

शिष्यवृत्ती परीक्षेच्या राज्यस्तरीय गुणवत्ता यादीत स्थान मिळविणारी श्रेया कबनुरे ही दुगावसाठी अभिमानाची बाब ठरली आहे. तिच्या यशामुळे ‘गावातील गुणवत्तेला योग्य संधी मिळाली, तर ती राज्याच्या पातळीवरही झेप घेऊ शकते’ हा विश्वास अधिक दृढ झाला आहे. श्रेयाची ही कामगिरी ग्रामीण भागातील विद्यार्थ्यांसाठी प्रेरणादायी ठरली आहे.

🔴मुख्य संपादक: श्री शहाजी वरखिंडे

मो. 9923072242