🛑 देगलूर–नांदेड महामार्गावर भीषण अपघात; दुचाकीस्वाराचा जागीच मृत्यू, एक गंभीर

🔴 देगलूर-नांदेड महामार्गावर आयचर ट्रक व दुचाकीची भीषण धडक; एकाचा मृत्यू, एक गंभीर जखमी.

शिवगर्जना न्यूज,

देगलूर: प्रतिनिधी

देगलूर-नांदेड महामार्गावर शुक्रवारी झालेल्या भीषण अपघातात आयचर ट्रक व दुचाकीची समोरासमोर जोरदार धडक होऊन एक युवक जागीच ठार झाला, तर दुसरा गंभीर जखमी झाला. या घटनेमुळे परिसरात मोठी खळबळ उडाली.

सदर अपघातात शिवानंद केशव इंगळे (वय २५, रा. आदमपूर, ता. बिलोली) यांचा दुर्दैवी मृत्यू झाला, तर सुजित बालाजी भुरे (वय २०, रा. आदमपूर, ता. बिलोली) हे गंभीर जखमी झाले आहेत. जखमींना तातडीने देगलूर येथील उपजिल्हा रुग्णालयात उपचारासाठी दाखल करण्यात आले असून त्यांच्यावर उपचार सुरू आहेत.

घटनेची माहिती मिळताच SDO किरण पोपळघट यांनी तत्काळ घटनास्थळी धाव घेत परिस्थितीची पाहणी केली. त्यांनी त्वरित पोलिस निरीक्षकांना माहिती देत पोलिस पथक रवाना केले.

यानंतर पोलिस उपनिरीक्षक हणमंत शिंदे, बीट जमादार अशोक घुमे, नामदेव शिरोळे, ओमप्रकाश डीडेवर आणि नामपल्ले घटनास्थळी पोहोचून मदतकार्य केले. जखमींची प्रकृती गंभीर असल्याने ॲम्बुलन्स सहाय्याने अपघातग्रस्तांना तात्काळ देगलूर उपजिल्हा रुग्णालयात हलवण्यात आले.

अपघाताचे नेमके कारण अद्याप स्पष्ट झाले नसून पोलिसांनी घटनास्थळाचा पंचनामा करून पुढील तपास सुरू केला आहे. या भीषण अपघातामुळे काही काळ देगलूर-नांदेड महामार्गावरील वाहतूक विस्कळीत झाल्यामुळे पोलिसांनी तत्परतेने वाहतूक सुरळीत करत पुढील कार्यवाही सुरू केली.

🔴मुख्य संपादक: श्री शहाजी वरखिंडे

मो. 9923072242