🌲🌲श्री.दिगंबरराव देशमुख विद्यालय येथे वृक्षारोपण उत्साहात संपन्न🌲🌲

6

By Shahaji Warkhinde

July 10, 2026

🔴 श्री.दिगंबरराव देशमुख विद्यालय, कांडाळा येथे वृक्षारोपण उत्साहात.

शिवगर्जना न्यूज,

नायगाव प्रतिनिधी : दिपक गजभारे

पर्यावरण संवर्धनाचा संदेश देणारा वृक्षारोपण कार्यक्रम श्री.दिगंबरराव देशमुख प्राथमिक व माध्यमिक विद्यालय, कांडाळा येथे उत्साहपूर्ण वातावरणात संपन्न झाला. कार्यक्रमाच्या अध्यक्षस्थानी संस्थेचे संस्थापक अध्यक्ष मा.सर्जेराव देशमुख हे होते.

कार्यक्रमास सामाजिक कार्यात सदैव तत्पर असलेले भाजपा अनुसूचित जमाती मोर्चा जिल्हा उपाध्यक्ष मा. मोहनराव तुरटवाड हे प्रमुख पाहुणे म्हणून उपस्थित होते. तसेच सुलतानपूर सरपंच, संस्थेचे उपाध्यक्ष मा. ओमप्रसाद देशमुख आणि श्री. अनिल इंगळे, वरिष्ठ सहाय्यक प्राध्यापक, कृषी महाविद्यालय, नायगाव हे मान्यवर म्हणून उपस्थित होते.

उपस्थित मान्यवरांच्या हस्ते विद्यालय परिसरात वृक्षलागवड करण्यात आली. यावेळी वृक्षसंवर्धन भावी पिढ्यांसाठी हरित पर्यावरण निर्माण करण्याचे महत्त्व उपस्थितांनी विद्यार्थ्यांना पटवून दिले. वृक्ष लावणे ही केवळ सामाजिक जबाबदारी नसून, त्यांचे संगोपन करणेही तितकेच महत्त्वाचे असल्याचे मार्गदर्शन मान्यवरांनी केले.

यावेळी विद्यार्थ्यांनीही मोठ्या उत्साहाने सहभाग नोंदवत लावलेल्या वृक्षांचे जतन व संवर्धन करण्याचा संकल्प केला. विद्यालयातील शिक्षक, शिक्षकेतर कर्मचारी, विद्यार्थी तसेच ग्रामस्थांच्या उपस्थितीत हा कार्यक्रम उत्साहात पार पडला.

या उपक्रमामुळे परिसरात पर्यावरण संवर्धनाबाबत जनजागृती होण्यास मोठी मदत झाली असून, “झाडे लावा, झाडे जगवा” हा संदेश प्रभावीपणे समाजापर्यंत पोहोचला.

🔴मुख्य संपादक: श्री शहाजी वरखिंडे

मो. 9923072242

Previous article

🛑 निकृष्ट दर्जा कामाच्या चौकशीसाठी समिती स्थापना शिवसेना ठाकरे आंदोलनाचा दणका.

Next article

🛑बार्टीच्या वतीने नरसी येथे राजमाता मॉं जिजाऊ स्मृतिदिन उत्साहात साजरा.

Shahaji Warkhinde

ताज्या बातम्या

ताज्या बातम्या