🛑 भरड धान्य खरेदीस मुदतवाढ द्यावी.

14

By Shahaji Warkhinde

June 27, 2026

🔴 भरड धान्य खरेदीस मुदतवाढ द्यावी —– रमेश कदम पाटील

शिवगर्जना न्यूज,

किनवट : अमोल भरणे

आदिवासी विकास महामंडळाच्या वतीने किनवट येथे चालू असलेल्या भरड धान्य खरेदीचा आढावा घेण्यासाठी जिल्हा पुरवठा अधिकारी जगदीश बारदेवाड किनवट दौऱ्यावर होते. कृषी उत्पन्न बाजार समितीच्या किनवट येथील गोडाऊन मध्ये सदरील खरेदी चालू आहे. आज खरेदी केंद्रावर मोठ्या प्रमाणात शेतकऱ्यांच्या वाहनांची गर्दी आढळून आली. ३० जून ला खरेदी मुदत संपत असल्याने ज्वारी उत्पादक शेतकऱ्यांच्या मनात धास्ती भरली आहे. मोठ्या प्रमाणावर शेतकरी खरेदी केंद्रावर चकरा मारत असल्याचे चित्र पहावयास मिळत आहे. दौऱ्यावर असलेल्या जिल्हा पुरवठा अधिकारी जगदीश बारदेवाड यांची नांदेड जिल्हा अध्यक्ष रमेश कदम पाटील यांनी भेट घेऊन शेतकऱ्यांची एकंदरीत स्थिती त्यांच्या निदर्शनास आणून दिली. खरेदीसाठी तात्काळ मुदत वाढ द्यावी, अशी मागणी शेतकरी संघटनेने केली. या सोबतच शनिवार व रविवार या सुट्टीच्या दिवशी काटा चालूच ठेवावा, खरेदी केंद्र गावाबाहेर असून शेतकऱ्यांसाठी किमान चहा पाण्याची व्यवस्था करावी, ही मागणी यावेळी करण्यात आली. वरील मागण्यांना सकारात्मक प्रतिसाद देत सुट्टीच्या दिवशी खरेदी चालू ठेवण्याच्या आदेश यावेळी आदिवासी विकास महामंडळ व महसूल प्रशासनाच्या वतीने संबंधित कर्मचाऱ्यांना देण्यात आले तर पुढील दोन दिवसात मुदत वाढीची निर्णय प्रक्रिया पूर्ण करून ती ही मागणी मंजूर केली जाईल, असे आश्वासन यावेळी देण्यात आले.

🔴मुख्य संपादक: श्री शहाजी वरखिंडे

मो. 9923072242

Previous article

🛑 आर्थिक व सामाजिक दृष्ट्या दुर्बल‎ परिस्थितीतील गरजवंत विद्यार्थ्यांना शैक्षणिक साहित्य वाटप.

Next article

🛑 शेतकरी संघटनेच्या चौथ्या मदत कक्ष दिनाचा अनेकांनी लाभ घेतला

Shahaji Warkhinde

ताज्या बातम्या

ताज्या बातम्या