🛑 वीटभट्टी व्यावसायिकांकडून हजारो ब्रास मातीचे उत्खनन.

21

By Shahaji Warkhinde

May 5, 2026

🔴 वीटभट्टी व्यावसायिकांकडून हजारो ब्रास मातीचे उत्खनन.

‘गोदावरी’ काठावर माती चोरांचा उच्छाद; ५० हायवा व मशिनरीने दिवसरात्र उपसा.

शिवगर्जना न्यूज,

उपसंपादक निळकंठ जाधव

नायगाव तालुक्यातील पवित्र मानल्या जाणाऱ्या गोदावरी नदीच्या काठावर सध्या माती चोरांनी अक्षरशः धुमाकूळ घातला आहे. धनज, बरबडा आणि अटाळा परिसरात अवाढव्य जेसीबी मशिनरी व तब्बल पन्नासहून अधिक हायवांच्या माध्यमातून दिवस-रात्र बेकायदेशीर माती उत्खनन सुरू असून पर्यावरणाचा अक्षरशः ऱ्हास होत आहे. महसूल विभागातील काही बेजबाबदार कर्मचारी व अधिकाऱ्यांच्या संगनमतामुळेच हा प्रकार उघडपणे सुरू असल्याचा आरोप नागरिकांतून होत आहे.

हस्त कलेच्या नावा खाली कुंभार समाजाचे नाव पुढे करून केवळ दोनशे ब्रास माती हाताने काढण्याची परवानगी घेऊन प्रत्यक्षात विटभट्टी व्यावसायिकांकडून हजारो ब्रास मातीचे उत्खनन यंत्रणांच्या मदतीने केले जात आहे. जेसीबी आणि हायवांच्या गर्जनेने गोदावरी पात्र ओरबाडले जात असताना संबंधित मंडळ अधिकारी व तलाठी मात्र ‘उखळ पांढरे’ करण्यात मग्न असल्याची संतप्त प्रतिक्रिया नागरिकांनी व्यक्त केली आहे.

या बेकायदेशीर उत्खननासाठी लाखोंची देवाणघेवाण झाल्याची चर्चा.

तहसीलदारांच्या कारवाईनंतर ही वाळूमाफीया सक्रीयच दरम्यान, दोन दिवसांपूर्वी तहसीलदार श्रीमती धम्मप्रिया गायकवाड यांनी पथकासह बोटीच्या माध्यमातून वाळू माफियांवर धडक कारवाई करत दोन बोटी जप्त केल्या होत्या. मात्र या कारवाईनंतर ही माफियांचा उपद्रव कमी न होता उलट अधिकच वाढल्याचे दिसून येत आहे. पवित्र राहेर गोदावरी पात्रातून अजूनही अवाढव्य मशिनरी द्वारे वाळूचा उपसा मागील पंधरा दिवसांपासून सुरूच आहे. ही चर्चा रंगली असून, महसूल आणि पोलीस यंत्रणा केवळ बघ्याच्या भूमिकेत असल्याने माती माफियांचे धाडस वाढले आहे.

धनज, अटाळा आणि बरबडा परिसरात या टोळ्यांनी अक्षरशः ‘गनिमी कावा’ सुरू केला असून त्यांना रोखणार कोण, असा सवाल नागरिक उपस्थित करत आहेत. या माती माफियांच्या अवाढव्य मशिनरी व हायवा तात्काळ जप्त करून संबंधितांवर गुन्हे दाखल करावेत, तसेच उपविभागीय अधिकारी श्रीमती क्रांती डोंबे व तहसील प्रशासनाने कठोर पावले उचलून गोदावरी नदीचा सुरू असलेला ऱ्हास थांबवावा, अशी ठाम मागणी नागरिकांकडून होत आहे. गोदावरी काठाची ही उघडी लूट थांबवली नाही, तर येणाऱ्या काळात गंभीर पर्यावरणीय संकट ओढवण्याची भीती व्यक्त होत आहे. प्रशासनाने तातडीने जागे होऊन कारवाई करणे गरजेचे आहे.

🔴मुख्य संपादक: श्री शहाजी वरखिंडे

मो. 9923072242

Previous article

🛑 कामगार दिनानिमित्त सन्मान सोहळा; नगराध्यक्षा सौ.प्रेरणाताई कोटलावार यांची स्तुत्य कामगिरी.

Next article

🛑 कार्य संस्कृतीची जोपासना व कर्तव्य पालन केल्यासच राष्ट्र सामर्थ्यशाली बनेल —- डॉ. विठ्ठलराव लहाने

Shahaji Warkhinde

ताज्या बातम्या

ताज्या बातम्या