🛑 शेवटचा दिवस असल्याने नेते मंडळीची एकच धावपळ तर चर्चेल आले उधान.

🔴 शेवटचा दिवस असल्याने नेतेमंडळी ची एकच धावपळ तर चर्चेल उधान. 

शिवगर्जना न्यूज, 

नांदेड प्रतिनिधी निळकंठ जाधव

नांदेड जिल्ह्यातील नायगाव नायगाव तालुक्यातील सोसायटीच्या ठरावांसाठी १५ एप्रिल ही शेवटची मुदत असल्याने इच्छुकांची धावपळ पहायाला मिळाली. तालुक्यात सेवा सहकारी सोसायटीचे ठराव घेण्यासाठी काँग्रेस खासदार रवींद्र चव्हाण, राष्ट्रवादी काँग्रेस जिल्हाध्यक्ष शिवराज पा. होटाळकर व भाजपा राजेश कुंटूरकर यांच्यात शेवटच्या दिवसापर्यंत मोठी चुरस लागली. तरीही कुणालाही अपेक्षित ठराव मिळाले नाहीत, त्यामुळे या तीन नेत्यात लागलेली चुरस पाहता एका जागेसाठी तालुक्यात तिरंगी लढतीची शक्यता आहे. सध्या जिल्हा बँकेचे अध्यक्ष माजी मंत्री भास्करराव पाटील खतगावकर असून, संचालक मंडळाचा पाच वर्षाचा कार्यकाळ संपत आल्याने बँकेचे संचालक होण्यासाठी अनेक दिग्गज राजकीय नेत्यात चढाओढ दिसून येत आहे. 

माजी मुख्यमंत्री अशोक चव्हाण हे बँकेचा बाहेरून कारभार बघत होते, पण अर्धापूर तालुक्यातील येळेगाव सोसायटीने त्यांच्या नावाचा ठराव घेतल्याने बँकेच्या राजकारणात त्यांची ही एंट्री होत आहे. तालुक्यात ७१ सोसायटी असून, या सोसायट्यांचा ठराव घेण्यासाठी खासदार रवींद्र चव्हाण, राष्ट्रवादी जिल्हाध्यक्ष शिवराज होटाळकर व भाजपा राजेश कुंटूरकर कामाला लागले आहेत.

खासदार रवींद्र चव्हाण यांचे चुलते नायगाव सोसायटी श्रीनिवास चव्हाण, कुंटूर सोसायटी राजेश कुंटूरकर, तर होटाळा सोसायटी शिवराज पा. होटाळकरांच्या नावाचा ठराव दिला. यावरून हे तीनही नेते बँकेच्या राजकारणात उतरण्याची शक्यता आहे.  

📍ठराव घेताना वादाच्या घटना

जिल्हा बँकेसाठी ठराव पाठवण्याची बुधवार शेवटचा दिवस होता. याच दिवशी नरसी सहकारी सोसायटीची सभा प्रशासकीय चेअरमनच्या अध्यक्षतेत आयोजित केली होती. मात्र, यावेळी मोठा गोंधळ झाल्याने सचिव शंकर खरखेले यांची अचानक तब्येत बिघडली. ते सभा अर्धवट सोडून बाहेर पडले. त्यामुळे या बाबत माहिती मिळाली नाही. विशेष म्हणजे तालुक्यातील अनेक सोसायट्यांचे ठराव घेताना वादाच्या घटना घडल्या आहेत.

सोसायटीचा ठराव घेण्यासाठी (ता.१५) एप्रिल ही शेवटची तारीख असल्याने राजकीय पक्षांच्या नेत्यांनी आपापल्या समर्थकाचे ठराव घेण्यासाठी राजकीय वजन खर्च केले आहे. तरीही अपेक्षे प्रमाणे समर्थकांचे ठराव मिळाले नसल्याने नायगाव तालुक्यातील सहकारी संस्था गटातून भविष्यात होणारी निवडणूक ही अतिशय अटीतटीची होणार असल्याची चर्चा नायगाव तालुक्यात मोठ्या प्रमाणात नागरिकांतून बोलल्या जात असल्याचे चित्र दिसून येत आहे.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)