🛑 महाराष्ट्र राज्य महिला आयोगाच्या अध्यक्षपदी ज्योतीताई मेटे यांची नियुक्ती करा— शहाजी ना. वरखिंडे

80

By Shahaji Warkhinde

March 30, 2026

🔴 महाराष्ट्र राज्य महिला आयोगाच्या अध्यक्षपदी ज्योतीताई मेटे यांची नियुक्ती करा— शहाजी ना. वरखिंडे

शिवगर्जना न्यूज,

देगलूर तालुका प्रतिनिधी

महाराष्ट्रातील कॅप्टन प्रकरणात नाव गोवल्यानंतर रूपाली चाकणकर यांना राजीनामा द्यावा लागला. राजीनाम्यानंतर निर्माण झालेली पोकळी पूर्ण करण्यासाठी महाराष्ट्र राज्य महिला आयोगाचे अध्यक्ष पदी ज्योती ताई विनायक मेटे यांची नियुक्ती व्हावी या मागणीने आता जोर धरला आहे. याच अनुषंगाने तालुका देगलूर जिल्हा नांदेड येथून शिवगर्जना न्यूजचे संपादक शहाजी ना. वरखिंडे यांनी आपल्या सहकाऱ्यांसह उपजिल्हाधिकारी देगलूर यांच्या मार्फत मा. मुख्यमंत्री देवेंद्र फडणवीस, मा. उपमुख्यमंत्री सुनेत्रा पवार व मा. उपमुख्यमंत्री एकनाथ शिंदे यांना निवेदन दिले आहे.

महाराष्ट्र राज्य महिला आयोग हे महिलांच्या हक्कांचे संरक्षण, सन्मान व न्याय मिळवून देण्यासाठी अत्यंत महत्त्वाचे व्यासपीठ मानले जाते. या पदावर सक्षम अभ्यासू व समाजकार्यात निपुण नेतृत्वाची नियुक्ती होणे अत्यावश्यक आहे. ज्योतीताई मेटे यांनी उच्च दर्जाचे शासकीय अधिकार पद सुद्धा यांनी भूषविले आहे. ज्यातून समाजाच्या अनेकांगी प्रश्नांची जाण त्यांना मोठ्या प्रमाणात आहे. शिवाय त्या प्रश्नांना सोडवण्याची धमक ही त्यात असल्याकारणाने राज्य महिला आयोगाच्या अध्यक्षा म्हणून ज्योतीताई मेटे ह्याच प्रमुख दावेदार ठरत आहेत. त्यांच्या शिक्षणाची व त्यांनी केलेल्या शासकीय नोकरीचा तसेच निस्वार्थपणे महिलांसाठी व समाजासाठी केलेल्या सर्व कामांचा लेखा जोखा तपासला असता ज्योती ताई विनायक मेटे यांचीच राज्य महिला आयोगाच्या अध्यक्षा म्हणून नेमणूक करणे अगत्याचे ठरते.

ज्योती ताई मेटे ह्या स्वर्गीय विनायक मेटे यांच्या पत्नी असून, शिवसंग्राम संघटनेचे सध्याच्या राष्ट्रीय अध्यक्षा आहेत. महिलांच्या सक्षमीकरणासाठी त्यांचे योगदान व नेतृत्व लक्षात घेता त्या महिला आयोगाच्या अध्यक्षा पदासाठी अत्यंत योग्य उमेदवार आहेत असा आमचा ठाम विश्वास असल्याचेही शहाजी वरखिंडे यांनी सांगितले आहे.

निवेदनावर शहाजी वरखिंडे सह ॲड.इर्शाद पटेल, शशिकांत पटणे, सुभाष वाघमारे, मारुती कुडकेवार, पिराजी इबीतवार, नागेश पलपवार आदि पत्रकारांच्या स्वाक्षऱ्या आहेत.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞 (9923072242)

Previous article

🛑 हनुमान जन्मोत्सव निमित्ताने अखंड हरिनाम सप्ताहाला उत्साहात प्रारंभ.

Next article

⚫ देगलूर सेवानिवृत्त मुख्याध्यापक सूर्यकांतराव तोताडे यांचे आज दुःखद निधन.

Shahaji Warkhinde

ताज्या बातम्या

ताज्या बातम्या