🛑 मेदन कल्लूर येथील पूरग्रस्त लोकांना धान्याची कीट वाटप

🔴 मेदन कल्लूर येथील पूरग्रस्त लोकांना धान्याची कीट वाटप. 

शिवगर्जना न्यूज, 

देगलूर: प्रतिनिधी

देगलूर तालुक्यात अतिवृष्टीमुळे विविध गावामध्ये पूरपरिस्थिती निर्माण झालेली आहे. पुरामुळे शेकडो शेतकऱ्यांचे व शेतमजूरांचे प्रचंड नुकसान झाले आहे. 

पूरपरिस्थितीमुळे अनेकांचे संसार उघड्यावर आले आसुन शेतकऱ्यांच्या शेतातील पिके वाहून गेल्यामुळे ते आर्थिक कोंडीत सापडलेले आहेत. या सर्व परिस्थितीला सामाजिक जाणीवेतून काही मदत करणे हे एक मूलभूत कर्तव्य आहे या उद्देशाने रुग्ण सेवा मंडळाचे अध्यक्ष डॉ. व्यंकटेश काब्दे यांच्या अवाहनानुसार श्री नारायणा सुपरस्पेशालिटी हॉस्पिटल नांदेड, देगलूर महाविद्यालयातील एनएसएस व एनसीसी विभाग आणि रुग्ण सेवा मंडळ, देगलूर यांच्या संयुक्त विद्यमाने दिनांक ०२/०९/२०२५ रोजी मेदन कल्लूर या गावातील ९५ (पंचानौ) पूरग्रस्त कुटुंबाना अन्नधान्याची किट स्वरूपामध्ये मदत करण्यात आली. प्रस्तुत सामाजिक बांधिलकीच्या कार्यात योगदान देन्यासाठी आर्थिक मदत डॉ. व्यंकटेश काब्दे ६०,०००/- रू, सूर्यकांत गोविंदराव नारलावार ५०००/-रू , विजय चालिकवार ५१००/- रू डॉ. अजीत काब्दे १०,०००/- व प्रा बालाजी कतूरवार ५०००/- रू. अशी एकूण ८५,१००/- रुपये निधी संकलीत करण्यात आला होता. धान्यकिट वाटप कार्यक्रम प्रसंगी रुग्ण सेवा मंडळाचे उपाध्यक्ष देवेंद्र मोतेवार, सचिव सूर्यकांत नारलावार, देगलूर महाविद्यालयाचे प्राचार्य डॉ मोहन खताळ, उपप्राचार्य डॉ.ए.बी. चिद्रावार, सहसचिव प्रा डॉ बालाजी कतूरवार, कोषाध्यक्ष प्रा. व्ही. जी. चिंतावार. कार्यकारिणी सदयस्य मारोती गायकवाड, रासेयो कार्यकम अधिकारी प्रा गणेश क्यादारे, पोलीस पाटील शिवकुमार पाटील यांच्यासह एन सी सी व एन एस एस मधील स्वयंसेवक व ग्रामस्थ उपस्थित होते. प्रस्तुत कीटमध्ये साखर, तांदूळ , आटा, हळद, मिर्ची पावडर, जीरे , मुगदाळ, गोडतेल, चहापती, काडीपेटी, मीठ इत्यादी जीवनावश्यक वस्तु दैन्यात आले.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)