🛑श्री. शिवाजी कॉलेज कंधार येथे समाजशास्त्र पदव्युत्तर विद्यार्थी उद़बोधन कार्यक्रम संपन्न.

श्री. शिवाजी कॉलेज कंधार येथे समाजशास्त्र पदव्युत्तर विद्यार्थी उदबोधन कार्यक्रम संपन्न.

शिवगर्जना न्यूज, 

कुंडलवाडी (सिध्दार्थ कांबळे) 

श्री.शिवाजी मोफत एज्युकेशन सोसायटी संचलित, श्री. शिवाजी कॉलेज कंधार येथे पदव्युतर स्तरावरील समाजशास्त्र प्रथम व द्वितीय वर्षातील विद्यार्थ्याकरिता उद्बोधन शिबिर कार्यक्रमाचे आयोजन करण्यात आले होते. यावेळी कार्यक्रमाच्या अध्यक्षस्थानी प्राचार्य डॉ. एस. एम. जोगदंड यांची प्रमुख उपस्थिती होती. प्रमुख पाहुणे डॉ. विजया साखरे तसेच प्रो.डॉ.डी. एस. सावंत, डॉ.डी.डी. पवार यांची प्रमुख उपस्थिती होती. या कार्यक्रमाचे प्रस्ताविक कार्यक्रमा संबंधीची भूमिका समाजशास्त्र विभागप्रमुख डॉ. एन.आर. कांबळे यांनी विशद केली. त्यामध्ये समाजशास्त्र विषयाची व्यावहारिक जीवनातील उपयुक्तता आणि वर्षभर समाजशास्त्र विभागाच्या वतीने आयोजित करण्यात येणाऱ्या विविध उपक्रमाची रूपरेषा स्पष्ट केली. तर गुराखी पीठावरून प्रमुख पाहुणे म्हणून बोलताना डॉ. विजया साखरे मॅडमनी सद्यस्थितीत नवीन राष्ट्रीय शैक्षणिक धोरणामुळे पदव्युत्तर समाजशास्त्राच्या अभ्यासक्रमात नाविन्यपूर्ण झालेले बदल विद्यार्थ्यांच्या करिअरच्या अनुषंगाने महत्त्वाचे आहेत. अभ्यासक्रमात तंत्रज्ञान आणि कौशल्य विकासाला अधिक महत्त्व दिल्यामुळे विद्यार्थी मोठ्या प्रमाणात विविध विषयावर संशोधन करतील ते संशोधन राष्ट्राच्या व समाजाच्या विकासात महत्त्वाचे ठरणार आहे असे प्रतिपादन केले. प्रो.डॉ.डी. एस. सावंत यांनी आपले महाविद्यालय ग्रामीण भागात असून देखील ५६ हजार पुस्तके ग्रंथालयात उपलब्ध आहेत. त्या पुस्तकांचा विद्यार्थ्यांनी अधिकाधिक उपयोग करून यू.पी.एस सी. आणि एम.पी.एस.सी. परीक्षा उत्तीर्ण होऊन कॉलेजचे नाव लौकिक करावे, असे अधोरेखित केले. डॉ.डी.डी. पवार यांनी पदव्युत्तर समाजशास्त्राचा अभ्यासक्रम अंतर विद्याशाखीय असून परीक्षा पद्धतीत क्रेडिट सिस्टीम आली असून, संशोधनाला प्राधान्य दिले असल्यामुळे विद्यार्थ्यांनी संगणक, प्रत्यक्ष भेटी, मुलाखत, निरीक्षण आणि व्हिडिओ इत्यादी साधनाचा अवलंब करावा, असे विचार व्यक्त केले. कार्यक्रमाच्या अध्यक्षीय समारोपात बोलताना महाविद्यालयाचे प्राचार्य डॉ. एस. एम. जोगदंड यांनी सामाजिक शास्त्रातील समाजशास्त्र हा विषय आधुनिक असून कौशल्याचा स्वीकार केला असल्यामुळे विद्यार्थ्यांकरिता करिअर आणि संशोधनाच्या क्षेत्रात विविध संधी उपलब्ध आहेत. महाराष्ट्र शासनाच्या वतीने संशोधक विद्यार्थ्यास बार्टी, सार्थी, महाज्योती या संस्था शिष्यवृत्ती देत आहेत, त्या शिष्यवृत्तीचा विद्यार्थ्यांनी लाभ घेऊन सामाजिक घटनाचे अध्ययन करून वैज्ञानिक संशोधक म्हणून समोर यावे, असे व्यक्त केले. 

सदरील कार्यक्रमात एम.ए. समाजशास्त्र प्रथम व द्वितीय वर्षातील विद्यार्थ्यांचा प्रमुख मान्यवरांच्या हस्ते सत्कार करण्यात आला. या कार्यक्रमाला डॉ. माधव शिंदे. डॉ. सुभाष रगडे डॉ. ज्ञानेश्वर शिंदे प्रा. गावंडे डॉ. परीक्षेत धोंडगे, डॉ. प्रवीण पवार, डॉ.व्ही.टी. ठाकूर, डॉ. उमेश पुजारी, डॉ.एस.पी. गुट्टे, डॉ. भागानगरे, डॉ.शी.एन. हनुमंते, डॉ. कृष्णा आगे, डॉ.एम.आर. कदम, भागवत जाधव यांची विशेष उपस्थिती लाभली. या कार्यक्रमाचे सुंदर व कौशल्यपूर्ण सूत्रसंचालन डॉ. पांडुरंग पांचाळ तर आभार प्रदर्शन प्रा. राजेंद्र वाघमारे यांनी मानले. हा कार्यक्रम यशस्वी करण्यासाठी सतीश शिंदे, व्यवहारे कृष्णा, यांनी विशेष परिश्रम घेतले. या कार्यक्रमाला महाविद्यालयातील प्राध्यापक व शिक्षकेतर कर्मचारी व विद्यार्थी मोठ्या संख्येने उपस्थित होते.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)