🛑 ॲड.उमाकांत आदमाने यांना राष्ट्रीय भारत भुषण पुरस्कार २०२५ प्रदान

🔴 ॲड.उमाकांत आदमाने यांना राष्ट्रीय भारत भुषण पुरस्कार २०२५ प्रदान. 

शिवगर्जना न्यूज, 

प्रतिनिधी / पूणे

पूणे : साऊ ज्योती सामाजिक फाउंडेशन या महात्मा ज्योतिबा फुले व सावित्रीबाई फुले यांच्या विचारांची देवाण घेवाण व्हावी आणि देशपातळीवर प्रसार प्रचार करत असलेल्या संस्थेने नुकत्याच गुणवंतासाठी जाहीर केलेल्या पुरस्कारांच्या नामांकात आलेल्या पुणे येथील सुप्रसिद्ध कवी, साहित्यिक, निवेदक ॲड.उमाकांत मधुकर आदमाने नोटरी भारत सरकार यांना साहित्य, शिक्षण व सामाजिक क्षेत्रातील उल्लेखनीय कार्याबद्ल दि. २४ ऑगस्ट २०२५ रोजी भारतीय इतिहास संशोधन मंडळ, पुणे या ठिकाणी मा.श्री.विष्णु देशमुख (पोलीस निरीक्षक), मा.श्री. हिमांशु जैन (राष्ट्रीय खेळाडू), बॉलीवूड अभिनेत्री चित्रा दीक्षित, अभिनेत्री भक्ती साधू, मा. प्रबोधनकार श्री. सचिन देवरे, लावण्यवती पुजा माळी, डॉ.विद्याश्री येमचे आणि संस्थेचे संस्थापक अध्यक्ष मा. श्री. सचिन हळदे सर, मुख्य आयोजक मा. श्री. विकास उबाळे यांच्या हस्ते साहित्य “राष्ट्रीय भारत भुषण पुरस्कार २०२५” आकर्षक सन्मानचिन्ह, सन्मानपत्र, देऊन प्रदान करण्यात आला. 

पुणे येथील कवी, साहित्यिक, निवेदक मा. ॲड. उमाकांत आदमाने (नोटरी, भारत सरकार) यांनी या अगोदर अनेक जिल्हास्तरीय, राज्यस्तरीय, राष्ट्रीय स्तरावर निवेदकाची भूमिका बजावत कवी प्रेमींना आपल्या आवाजाच्या जादूने मंत्रमुग्ध केलेले आहे. कवी ॲड. उमाकांत मधुकर आदमाने मूळ गाव बोरगाव काळे, जिल्हा लातूर सध्या स्थायिक पुणे येथून विविध सामाजिक, शैक्षणिक, व साहित्यिक चळवळीत सक्रीय आहेत. कवी ॲड. उमाकांत मधुकर आदमाने हे सन २००९ पासून शिवाजीनगर जिल्हा सत्र न्यायालय, पुणे येथे वकीली व्यवसाय करीत असून सन २०२० मध्ये त्यांची भारत सरकार नोटरीपदी निवड झालेली असून नोटरी व्यवसाय सुद्धा प्रामाणिक पणे करीत आहेत, वकिली व्यवसाया बरोबरच त्यांनी लॉकडाऊनच्या काळात साहित्य विश्वात यशस्वी प्रवास करत या अगोदर साहित्य क्षेत्रात ९५ व्या अ.भा.मराठी साहित्य संमेलन, उदगीर, जि. लातूर येथे शांता शेळके कवी कट्टा वर आई या विषयावरील कविता मोठ्या दिमाखात सादर केली होती, ९६ व्या अ.भा.मराठी साहित्य संमेलन, वर्धा येथे प्रा. देविदास सोटे कवी कट्टा वर नुसत्या तुझ्या असण्याने, आई या विषयावरील कविता मोठ्या दिमाखात सादर केली होती, व ९७ व्या अ.भा.मराठी साहित्य संमेलन, अमळनेर, जळगाव येथे प्रेमकविता मोठ्या आनंदाने सादर केली, व ९८ व्या अ.भा.मराठी साहित्य संमेलन, दिल्ली येथे “ शोध “ नावाची कविता सादर केली त्यामुळे साहित्यिक क्षेत्रात देखील आपला ठसा प्रामाणिक पणे उमटविला आहे, अनेक जिल्हास्तरीय, राजस्तरीय, राष्ट्रीय स्तरावर काव्यसंमेलनात सहभाग घेऊन त्यांनी आपल्या कविता सादर केल्या.  

पुरस्कार सोहळ्याचे सूत्र संचालन ॲड. उमाकांत आदमाने (नोटरी, भारत सरकार) केले, “राष्ट्रीय भारत भुषण पुरस्कार २०२५” प्रदान होताच जिल्हा सत्र न्यायालय, शिवाजीनगर पुणे व समाजाच्या विविध थरातून त्यांच्यावर अभिनंदन व शुभेच्छांचा वर्षाव होत आहे.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)