🛑 नगरकर निवासी मूक-बधिर विद्यालयात ‘शिवजन्मोत्सव’ उत्साहात साजरा.

🔴 श्री जी.पी. नगरकर निवासी मूक-बधिर विद्यालयात ‘शिवजन्मोत्सव’ उत्साहात; चिमुकल्या हातांनी केले रयतेच्या राजाचे पूजन. 

📍मूक पाखरांच्या भावविश्वात शिवरायांचा जागर; ३९६ व्या जयंतीनिमित्त देगलूरमध्ये भक्तीमय वातावरण. 

शिवगर्जना न्यूज,                  

देगलूर प्रतिनिधी 

शब्दांची मर्यादा असली तरी मनातील अमाप ऊर्जा आणि शिवरायांप्रती असलेली अढळ श्रद्धा… याचा प्रत्यय आज देगलूरमध्ये आला. विकलांग विकास शिक्षण संस्थेच्या श्री जी.पी. नगरकर निवास मूक-बधिर विद्यालयात महाराष्ट्राचे आराध्य दैवत छत्रपती शिवाजी महाराज यांची ३९६ वी जयंती अत्यंत दिमाखात साजरी करण्यात आली चिमुकल्या शिवभक्तांच्या हस्ते झाले पूजन. 

कार्यक्रमाची सुरुवात अत्यंत भावपूर्ण वातावरणात झाली. शाळेचे मुख्याध्यापक ए.व्हि. सरसंबे आणि विद्यालयातील चिमुकल्या मूक-बधिर विद्यार्थ्यांच्या कोमल हातांनी शिव प्रतिमेचे पूजन करण्यात आले. आपल्या लाडक्या राजाला वंदन करताना या चिमुकल्यांच्या डोळ्यातील चमक सर्वांचे लक्ष वेधून घेत विचारांचे सोने लुटले.

कार्यक्रमाचे अध्यक्षस्थान मुख्याध्यापक ए.व्हि. सरसंबे सर यांनी भूषवले. वा तज्ञ बी.एम. साखरे यांनी आपल्या प्रास्ताविकातून शिवरायांच्या जाज्वल्य इतिहासाला उजाळा दिला, तर शाळेचे विशेष शिक्षक डी.एस. येंडे यांनी शिव विचारांची आजच्या काळातील गरज यावर मार्मिक मनोगत व्यक्त केले. संपूर्ण कार्यक्रमाचे बहारदार सांकेतिक भाषेसह सूत्रसंचालन मारोती कुडकेवार यांनी केले.

यावेळी या उत्साह सोहळ्याला उपस्थिती श्रीमती गंगाबाई मरखले, वसंत सर, विलास कोकणे, मारुती कुडकेवार, निर्मला बोधणें , सविता पेडेवार यांसह शाळेतील सर्व शिक्षक आणि शिक्षकेत्तर कर्मचारी मोठ्या संख्येने उपस्थित होते. मूक-बधिर बाल शिवभक्तांच्या उत्स्फूर्त सहभागामुळे या कार्यक्रमाला एक वेगळीच उंची प्राप्त झाली.

“छत्रपती शिवाजी महाराज की जय” च्या जय घोषाने आणि विद्यार्थ्यांच्या उत्साहाने संपूर्ण शाळा परिसर शिवमय झाला होता.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)