🛑 स्पर्धात्मक परिक्षेचा पारितोषिक वितरण समारंभ संपन्न.

🔴 बौद्ध धम्म संस्कार संघ श्रावस्ती विहार वर्षावास प्रारंभ सांगली. 

शिवगर्जना न्यूज, 

नाशिक प्रतिनिधी डॉ.शाम जाधव 

सांगली येथे दिनांक १६जुलै २०२५ रोजी आषाढ पौर्णिमा वर्षावास प्रारंभ, गुरु पौर्णिमा तसेच बुद्ध आणि त्याचा धम्म स्पर्धात्मक परिक्षेचा पारितोषिक वितरण समारंभ सायंकाळी सहा वाजता संपन्न झाला. सर्वप्रथम प्रमुख पाहुणे आणि विशेष सत्कार मूर्ती तुकाराम काकडे यांच्या हस्ते आपले आदर्श महाकारुणीक तथागत भगवान बुद्ध आणि विश्वरत्न परमपूज्य बोधीसत्व डॉ.बाबासाहेब आंबेडकर यांच्या मूर्ती आणि प्रतिमा यांची धुप, दिप सुगंध यांनी पूजन करुन कार्यक्रमास सुरुवात आली. भंते धम्मबोधी यांना त्रि-सरण आणि पंचशील देणे बाबत याचना करुन प्रास्ताविक विहाराचे संचालक आयु.चंद्रकांत चौधरी यांनी केले. यात विहाराच्या जागेची जमिनीचे खरेदी पासून ते बांधकाम परवानगी घेऊन पुढील भविष्य कालावधीचा विचार करून विहाराचा नियोजनात बदल करून माजी अध्यक्ष सी.ए. कांबळे आणि विलास उबाळे तथा ग्यांनसेन धम्मचारी, तसेच सोनू ताई कांबळे माजी अध्यक्ष यांचे मोलाचे योगदान लाभले त्यामुळेच विहाराची प्रगती सुधारणा होत आहे. डॉ. बाबासाहेब आंबेडकर यांनी अहोरात्र मेहनत करून भगवान बुद्ध आणि त्यांचा धम्म हा ग्रंथ लिहिलेला आहे त्यावर परीक्षा घेण्यासाठी टी.वाय. काकडे यांनी अर्थ दान करून प्रेरित केले. प्राध्यापक साहेबराव नितनवरे यांनी प्रश्न पत्रिका उत्कृष्ट तयार करून परीक्षा अत्यंत गोपनीय पार पाडण्यासाठी सहकार्य केले. त्यांचे सत्कार करण्यात आला.विहार उपाध्यक्षा प्रा. सुनिता धम्मकिर्ती यांनी पाहुण्यांचा परिचय थोडक्यात करून दिला.

प्रमुख पाहुणे प्राध्यापक गौतमी पुत्र कांबळे यांनी भगवान बुद्ध आणि त्याचा धम्म या ग्रंथावर डॉ.बाबासाहेब यांना अभिप्रेत असलेली धम्मक्रांती या विषयावर उत्कृष्ट धम्म देसना देऊन सर्वांना मंत्रमुग्ध केले. या नंतर विशेष सत्कार प्रा. डॉ. जगन कराडे, यांचा (सेवा निवृत्ती निमित्त) प्रा. साहेबराव नितनवरे यांनी भगवान बुद्ध आणि त्याचा धम्म या ग्रंथावर अत्यंत सूक्ष्म परीक्षा प्रश्न पत्रिका तयार करून उत्कृष्ट काम केले म्हणून त्याच प्रमाणे तुकाराम काकडे आणि त्यांचा परिवार ( बुद्ध धम्म आणि त्यांचा या ग्रंथावर आधारित परीक्षेसाठी विशेष योगदान /अर्थ दान दिले याबद्दल ) त्यांचा सत्कार करण्यात आला.

घेण्यात आलेल्या परीक्षेमध्ये एकूण १६५ विविध जातीतील स्पर्धकांनी भाग घेतला होता. त्यापैकी ११५ परीक्षार्थींनी उपस्थित राहून परीक्षा दिली होती. त्यामध्ये प्रथम आलेले परिक्षार्थी भंते धम्मबोधी, मुंबई आणि महादेवी आप्पासाहेब मगदूम, गडहिंग्लज यांना विभागून प्रथम क्रमांक (₹१०००) पारितोषिक देण्यात आले. प्रत्येकी रु. ५०००/- आणि पुस्तक संच तर द्वितीय आलेले अरुण दादू बेलेकर यांना रक्कम रु. ६०००/ पुस्तक संच तसेच तृतीय क्रमांक प्राप्त झालेले सुनील शामराव अलासकर यांना .रु.४०००/-आणि पुस्तक संच अनुक्रमे. प्राध्यापक गौतमीपुत्र कांबळे, अध्यक्ष, सेक्युलर मुव्हमेंट महाराष्ट्र, राज्य डॉ.यशकाश्यपायन, महाथेरो, प्रा. जगन कराडे, विभाग प्रमुख, शिवाजी युनिव्हर्सिटी, डॉ. अविनाश सावर्डेकर या पाहुण्यांचे हस्ते पारितोषिक, प्रमाणपत्र, पुस्तक संच आणि रोख रक्कम प्रदान करुन सन्मानित करण्यात आले. एकूण उपस्थित असलेल्या सुमारे १०५ परिक्षार्थी यांना प्रमाण पत्र आणि पुष्प प्रदान करुन त्यांचा सत्कार करण्यात आला.

दहावी, बारावी परीक्षेत उतिर्ण झालेल्या विद्यार्थ्यांचाही गौरव व सत्कार करण्यात आला. सांची पारमित धम्मकिर्ती यांना एम ए भाग १ मध्ये ७४ टक्के गुण मिळवून यश संपादन केल्याबद्दल डॉ. रवींद्र श्रावस्ती यांच्या हस्ते सत्कार करण्यात आला. श्रावस्ती विहाराचे अध्यक्ष डॉ. सुधीर कोलप यांनी अध्यक्षीय भाषण केले. विहाराचे सह खजिनदार, जगन्नाथ आठवले यांनी सर्व उपस्थितांचे आभार मानले. धम्ममित्र पारमित धम्मकिर्ती यांचे समवेत उपस्थित सर्वांनी विश्व मैत्री गीत गायन केले. धम्म पालन गाथा होऊन कार्यक्रमाची सांगता झाली. कार्यक्रमाचे सूत्र संचालन अवंतिका वाघमारे संचालिका यांनी केले. 

या कार्यक्रमास प्रमुख उपस्थिती धम्मपाल श्रावस्ती डॉ. रवींद्र व डॉ.दिपा श्रावस्ती, माजी नगरसेवक जगन्नाथ ठोकळे, विलास सर्जे, ग्यानसेन (धम्मचारी )प्रा.साहेबराव नितनवरे, पारमित धम्मकिर्ती आयु.शिवाजी वाघमारे, बोधी सत्व धम्मरत्न बोरखडे इत्यादी श्रावस्ती विहाराचे सर्व संचालक सदस्य उपासक उपासिका मान्यवर माता बंधू भगिनी उपास्थित होते.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)