🛑 नूतन प्रा.विद्यामंदिर येथे आषाढी एकादशीनिमित्त दिंडी सोहळा उत्साहात संपन्न.

78

By Shahaji Warkhinde

July 6, 2025

🔴 नूतन प्राथमिक विद्यामंदिर, भगूर येथे आषाढी एकादशीनिमित्त दिंडी सोहळा उत्साहात संपन्न.

शिवगर्जना न्यूज,

नाशिक प्रतिनिधी डॉ. शाम जाधव

भगूर: दि. ५ जुलै २०२५ रोजी नूतन प्राथमिक विद्यामंदिर, भगूर या शाळेत आषाढी एकादशीनिमित्त दिंडी सोहळ्याचे भव्य आयोजन करण्यात आले. विद्यार्थ्यांनी पारंपरिक वारकरी वेश भूषेत तसेच विठ्ठल-रखुमाई, संतांच्या रूपात सहभागी होऊन भक्तिरसात न्हालेला एक सुंदर सोहळा साकारला.

दिंडी सोहळ्याची सुरुवात संस्थेचे कार्यवाह श्री. सचिन पाटील, सेवक प्रतिनिधी श्री. गणेश चव्हाण, शालेय समिती सदस्य श्री. नितीन करंजकर, पालक शिक्षक संघाचे उपाध्यक्ष श्री. रंगनाथ जाधव,शाळेच्या मुख्याध्यापिका सौ. रंजना सोनवणे तसेच ध्रुव बालक मंदिरच्या मुख्याध्यापिका देशमुख मॅडम यांच्या हस्ते पालखी पूजनाने झाली. त्यानंतर उत्साही वातावरणात दिंडी सोहळ्याला प्रारंभ झाला.

शाळेतील विद्यार्थ्यांनी लेझीम पथक, टाळ, मृदंगाच्या गजरात हरिनामाचा जप करत भगूर गावातून दिंडी काढली व अभंगगायन केले. पालक वर्गानेही मोठ्या संख्येने या सोहळ्यात सहभाग घेतला. संपूर्ण परिसर भक्तिमय झाल्याचे चित्र होते.

सदर कार्यक्रमाचे सूत्रसंचलन तुपे सर यांनी केले. गोजरे मॅडम यांनी माहिती कथन केले तसेच उपस्थितांचे आभार मानले. कार्यक्रमाच्या यशस्वीतेसाठी कानवडे, रोंगटे, तुपे, पावसे, कस्तुरे, गोसावी, भागवत, वालझाडे, पवार, इंगळे, राव, करंजकर, सानप, संदेश पठारे इ. शिक्षक व कर्मचारी यांचे सहकार्य लाभले.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)

Previous article

🛑 घर अंगण बहुउद्देशीय संस्था नाशिक शालेय साहित्य वाटप.

Next article

🛑 युनिटी फाउंडेशनतर्फे विद्यार्थ्यांना वह्यांचे वाटप.

Shahaji Warkhinde

ताज्या बातम्या

ताज्या बातम्या