🛑 घरकुल धारकांना मोफत वाळू महसूल मंत्र्यांची घोषणा हवेत.

🔴 घरकुलधारकांना मोफत वाळू महसूल मंत्र्यांची घोषणा हवेत. 

शिवगर्जना न्यूज, 

श्रीक्षेत्र माहूर /अनिल बंगाळे 

♦️महसूल मंत्री घोषणेची अंमलबजावणी होईना. 

 राज्याचे कर्तव्य दक्ष महसूल मंत्री चंद्रशेखर बावनकुळे यांनी राज्य भरात वाटप केलेल्या घरकुल धारकांना पर्यावरण विभागाच्या नियमांना बाजूला ठेवून थेट नदी पत्रातून प्रत्येक लाभार्थ्याला पाच बरास वाळू मोफत देण्याचे जाहीर केले. तसे आदेशही जिल्हाधिकार्‍यांना धडकले होते परंतु माहूर तालुक्यात विपरीत घडल्याने भर पावसात दहा हजारावर घरकुल धारक उघड्यावर आहेत. या सर्व घरकुल धारकांना मोफत तर सोडाच परंतु विकत ही वाळू मिळाली नसल्याने सर्व घरकुल धारकांना उघड्यावर असून अधिकाऱ्यांना जाब विचारण्यासाठी गेलेल्या नागरिकावर सरकारी कामात अडथळ्याचे गुन्हे दाखल होत असल्याने घरकुल धारक उघड्यावर राहणे पावसात भिजने पसंत करत आहेत. अधिकाऱ्यांच्या दंडेलशाही पुढे बोलणार कोण अशी परिस्थिती निर्माण झाल्याने पडसा येथील व्यावसायिक यांनी नदी पात्रातून घरकुल धारकांना जेसीबी द्वारे मोफत वाळू भरून देऊ अशी घोषणा केल्याने आता अधिकारी काय करतात याकडे संपूर्ण तालुक्यातील जनतेचे लक्ष लागले आहे

माहूर शहरा सह तालुक्यात २०२४ मध्ये दहा हजारावर घरकुलांना मंजुरी देण्यात आली असून अर्ध्या अधिक नागरिकांनी कामे सुरू केली तर २०२५ मध्ये आणखी पाच हजारावर घरकुलांना मंजुरी देण्यात आली हे सर्व कामे जमेल त्या पद्धतीने लाभार्थ्यांनी प्रगती पथावर आणून ठेवली परंतु खेड्या पाड्यातील नागरिकांनी नाल्यातील व इतर स्त्रोत्रा द्वारे वाळू उपलब्ध करून कामे अर्ध्यावर आणली परंतु पावसाळा आल्याने या सर्व घरकुलांची कामे अर्धवट स्थितीत असल्याने हजारो नागरिक मोकळ्या जागेवर प्लास्टिक कापडाची पन्नी टाकून राहुट्यात राहत आहेत त्यातच शेतीची कामे लागल्याने आणि घरकुलाची रक्कम वेळेवर मिळत नसल्याने लाभार्थ्यांची आर्थिक स्थिती भयंकर झाली. गावा गावातील सरपंच यांनी तहसीलदारांना निवेदन देऊन तात्काळ वाळू उपलब्ध करून देण्याची मागणी केली होती. परंतु अधिकाऱ्यांनी तुमचे इतर निधी देणार नाहीत अशी धमकी

दिल्याने त्यांनी ही निवेदन देऊन आंदोलन करणे ऐवजी गप्प राहणे पसंत केले. त्यामुळे गोरगरीब घरकुल धारकांना पावसाळ्यात उघड्यावर राहण्याशिवाय पर्याय राहिलेला नाही. प्रशासनाच्या जुगलबंदीत गोरगरीब लाभार्थी मात्र भरडला गेला आहे. 

मौ. पडसा येथे तहसीलदारांनी वाळू व्यवसायिकांना तुम्ही नदी पात्रातून वाळू काढून वर जमा करा मी येऊन घरकुल धारकांना मोफत वाळू वाटपाची सुरुवात करतो असे सांगितल्याने त्यांनी चार तास आधीच नदी पात्रात जेसीबी टाकून वाळू जमा करण्यास सुरुवात केली असताना प्रशासनाने हायवा आणि जेसीबी जप्त केल्याने जमा झालेल्या हजारो घरकुल धारकांचा त्या दिवशी हिरमोड झाला. परंतु त्याच वाळू व्यवसायिकांनी गोरगरिबांची वाळू विषयीची तळमळ पाहून आम्हाला आम्हाला परवानगी द्या सीसीटीव्ही लावा कर्मचारी ठेवा पोलीस बंदोबस्त लावा या सर्व समक्ष आम्ही भर पावसात गोरगरीब लाभार्थ्यांना वाळू मोफत भरून देऊ शेख ईमरान असे बोलल्याने गोरगरिबांना ऑफलाइन पावत्या देऊन वाळू उपलब्ध करून देतात का याकडे संपूर्ण तालुक्यातील नागरिकांचे लक्ष लागून आहे. 

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)