🛑 शिरपूर पंचायत समितीत कृषी दिन उत्साहात साजरा.

🔴 शिरपूर पंचायत समितीत कृषी दिन उत्साहात साजरा. शेतकरी हितासाठी नाईकांचे योगदान आजही प्रेरणादायी. 

शिवगर्जना न्यूज, 

नाशिक प्रतिनिधी डॉ शाम जाधव

तऱ्हाडी : दि.०१ जुलै २०२५ हरित क्रांतीचे प्रणेते आणि महाराष्ट्राचे माजी मुख्यमंत्री स्व. वसंतराव नाईक यांच्या जयंतीनिमित्त पंचायत समिती शिरपूर येथे आज सकाळी १० वाजता कृषी दिन मोठ्या उत्साहात साजरा करण्यात आला.

या कार्यक्रमाचे अध्यक्षस्थान कृषी भूषण पुरस्कार प्राप्त श्री. सुदाम किसन करंके यांनी भूषवले. अध्यक्षीय भाषणात त्यांनी वसंतराव नाईक यांच्या संघर्षमय जीवनप्रवासाचा आणि शेतकरी कल्याणासाठी त्यांनी केलेल्या कार्याचा मागोवा घेतला. त्यांच्या धोरणांचे आजच्या काळातही किती महत्त्व आहे, हे त्यांनी उपस्थितांना सांगितले. यावेळी उपस्थित शेतकरी बांधव भावूक झाले.

कार्यक्रमात तालुका कृषी अधिकारी श्री. संजय नवार व त्यांच्या कार्यक्षम टीमच्या उल्लेखनीय कार्याचे कौतुक करण्यात आले. “शेतकऱ्यांसाठी सदैव तत्पर राहणाऱ्या अधिकाऱ्यांचे हे कार्य म्हणजे खरी शासकीय सेवा काय असते, याचे उदाहरण आहे,” असे गौरवोद्गार श्री. करंके यांनी व्यक्त केले.

कार्यक्रमात शेतकऱ्यांच्या अडचणी, बदलते हवामान, खत व बियाण्यांची वेळेवर उपलब्धता आणि आधुनिक तंत्रज्ञानाचा वापर या मुद्द्यांवर चर्चा झाली. शेतकऱ्यांच्या समस्या सोडवण्यासाठी प्रभावी उपायूयोजना करण्याची मागणी करण्यात आली.

या कार्यक्रमाला प्रमुख पाहुणे म्हणून गटविकास अधिकारी श्री. प्रदीप पवार, तालुका कृषी अधिकारी श्री. संजय, सभापती श्री. कैलास पावरा, माजी सभापती जयवंत पाडवी, उप कृषी अधिकारी मोटे साहेब, तसेच आर. एस. चौधरी आदी मान्यवर उपस्थित होते.

कार्यक्रमात तालुक्यातील उल्लेखनीय कामगिरी करणाऱ्या शेतकऱ्यांना प्रमाणपत्र देऊन गौरवण्यात आले. यामध्ये केळी उत्पादक बापू पाटील, डॉ. कैलास करंके, मनोज पाटील, मिरची उत्पादक प्रदिप कोळी, पपई शेतकरी जितेंद्र भोई, तसेच महिला बचत गट प्रतिनिधी आणि कृषी सेवक यांचा समावेश होता.

कार्यक्रमास तालुक्यातील शेतकरी आणि विविध क्षेत्रातील पदाधिकारी मोठ्या संख्येने उपस्थित होते.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)