🛑 अज्ञान मुलीचे अपहरण व बळजबरीने लैगिक अत्याचार.

🔴 अज्ञान आदिवासी मुलीचे अपहरण करून ५ महिन्यांपासून बळजबरीने लैगिक अत्याचार… आरोपी फरार. 

शिवगर्जना न्यूज, 

नाशिक प्रतिनिधी : डॉ. श्याम जाधव

 हरसूल पो.स्टे. मधील गुन्हा र. नं. १/२०२५ नुसार आरोपी शिवा परदेशी (पुर्ण नाव माहित नाही) याने बोरीचा पाडा येथील १७ वर्षीय अज्ञान आदिवासी मुलीच बळजबरीने अपहरण केले आहे. आरोपीने गेल्या ५ महिन्यांपासून अज्ञान मुलीसोबत लैंगिक अत्याचार करून तीचे सर्वांगाने शोषण केले असल्याची फिर्याद पिडीतेचे वडील नामदेव किसन चिखले यांनी हरसूल पो. स्टे. मध्ये दिली आहे. तक्रारदाराने मा. पोलीस अधीक्षक, नाशिक (ग्रा.) तसेच महिला सुरक्षा विभाग, नाशिक (ग्रा.) पोलीस, सायबर सेल गुन्हे नाशिक ग्रामीण शाखा, मा. जिल्हाधिकारी नाशिक यांची प्रत्यक्ष भेट घेऊन निवेदन दिले आहे. त्यानंतर राष्ट्रीय मानवाधिकार यांचेकडे ऑनलाईन तक्रार नोंदवली आहे. 

अत्याचार विरोधी कृती समितीच्या वतीने मा. जिल्हाधिकारी नाशिक यांची भेट घेऊन आरोपीला तात्काळ अटक करावी. आरोपीच्या विरोधात पोक्सो तसेच अनु.जाती-जमाती अत्याचार प्रतिबंधक कायद्यान्वये (ॲट्रोसिटी) अन्वये गुन्ह्याची नोंद करून आरोपीला कठोर शिक्षेची मागणी केलेली आहे. 

अन्यथा आंदोलनाचा ईशारा निवेदनाद्वारे दिलेला आहे. यावेळी मा.जिल्हाधिकारी या प्रकरणी विशेष लक्ष घालून आरोपीला तात्काळ अटक करण्यात येईल असे आश्वासन दिले आहे. निवेदनावर समितीचे मुख्य निमंत्रक ऍड. राहूल विष्णू तूपलोंढे, ऍड. निलेश सोनवणे, दिलीप लिंगायत, रोहिणी जाधव, गणेश रणधीर, मंगल भांगरे, रावजी साप्ते, चंदर साप्ते, जिजाबाई निंबारी, हरी अर्जून भोये, रामदास पांडू भोये, शांताबाई साप्ते, ताराबाई साप्ते, पारीबाई चंदर साप्ते, रामदास चिखले, मीराबाई रामदास चिखले, आदींसह पदाधिकारी. 

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)