🛑 जागतिक मातृत्व दिना निमित्त “कार्य हीच ओळख” या विशेष कार्यक्रमाचे आयोजन.

🔴 जागतिक मातृत्व दिना निमित्त “कार्य हीच ओळख” या विशेष कार्यक्रमाचे आयोजन.

शिवगर्जना न्यूज, 

नाशिक प्रतिनिधी डॉ. श्याम जाधव

 “कार्य हिच ओळख” कार्यक्रमात मातृत्वाचा गौरव ‘सर्वोत्कृष्ट आई’ पुरस्काराने सन्मान राधिका फाउंडेशनच्या उपक्रमाला भरघोस प्रतिसाद. 

नाशिक, आज दि. ११ मे (रविवार) राधिका फाउंडेशन बहुद्देशीय संस्था, नाशिक यांच्या वतीने जागतिक मातृत्व दिनानिमित्त “कार्य हिच ओळख” या विशेष कार्यक्रमाचे आयोजन करण्यात आले. या कार्यक्रमात मातृत्वाचा गौरव करत “सर्वोत्कृष्ट आई” पुरस्कार व सन्मान प्रदान करण्यात आला.

या कार्यक्रमाला शहरातील मान्यवरांनी उपस्थित राहून कार्यक्रमाची शोभा वाढवली. प्रमुख पाहुणे म्हणून श्रीमती पुष्पाबाई शर्मा, सौ. नलिनी कड देशमुख, सौ. डॉ. शोभा सातभाई, श्री. केशव अण्णा पाटील, pi अतुल डहाके, लोकसाक्ष न्यूज चे सुरेश चव्हाण डॉ. राखी मोरे, डॉ. वैभवी पाटील, सौ. प्रभा मुंदडा, श्री. जेकब अण्णा पिल्ले यांनी उपस्थित राहून मातृत्वाचे महत्त्व अधोरेखित केले.

कार्यक्रमाचे आयोजन राधिका फाउंडेशनच्या संस्थापिका डॉ. चेतना ताई सेवक यांच्या पुढाकाराने करण्यात आले. त्यांनी आपल्या मनोगतातून मातांचे समाजातील योगदान, त्यांचे बलिदान आणि त्याग यांचे महत्व अधोरेखित केले.

कार्यक्रमात विविध क्षेत्रात मातृत्वाचा आदर्श ठरलेल्या मातांना “सर्वोत्कृष्ट आई” पुरस्कार देऊन गौरवण्यात आले. उपस्थितांच्या मनात मातृत्वाबद्दलचा सन्मान आणखी वृद्धिंगत करणारा हा कार्यक्रम अत्यंत प्रेरणादायी ठरला. काही मातांनी आज चेतना ताई यांना माई ही पदवी प्रदान केली. 

कार्यक्रमाचे सूत्रसंचालन आणि आयोजन अतिशय सुंदर पद्धतीने पार पडले. उपस्थितांनी राधिका फाउंडेशनच्या उपक्रमाचे कौतुक करत संस्थेच्या भावी सामाजिक कार्यास शुभेच्छा दिल्या.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)