🛑पुतणीच्या लग्नात काकाने रस्ता सुरक्षा संदेशातून जोपासली सामाजिक बांधिलकी

🔴 पुतणीच्या लग्नात काकाने रस्ता सुरक्षा कार्यातून जोपासली सामाजिक बांधिलकी काकाचे जनतेतून कौतुक…

♦️ “हेल्मेट युक्त अपघात मुक्त भारत” लग्न पत्रिकेवर संदेश. 

शिवगर्जना न्यूज, 

नायगाव : प्रतिनिधी (परमेश्वर पा. जाधव)

 नायगाव तालुक्यातील मांजरम गावचे मारोती संभाजी शिंदे यांची मुलगी अंजली चा विवाह भगवंत मोतीराम बिराजदार राहणार हल्लाळी जि.बिदर यांचा मुलगा प्रतिक यांच्याशी ठरला. मुलीचे काका श्रीपत संभाजी शिंदे हे मागील अनेक वर्षापासून सामाजिक कार्यात अग्रेसर आहेत. धावपळीच्या जीवनात कित्येक लग्न सोहळे पार पडण्या अगोदर कधी वधू, वर, त्यांचे आई-वडील, सगेसोयरे, वऱ्हाडी मंडळी यांचा अपघात होतो आणि आनंदीत असणाऱ्या कुटुंबावर अचानक दुःखाचा डोंगर कोसळतो. दोन्ही कुटुंबाच्या आयुष्याची राख रांगोळी होते. यामुळे देशाचे मोठे सामाजिक आणि आर्थिक नुकसानही होते म्हणून सुरक्षित प्रवास, प्रत्येकाच्या कुटुंबाची सुरक्षा व होणारे अपघात टाळणे हेतू जनजागृती निर्माण व्हावी म्हणून “हेल्मेट युक्त अपघात मुक्त भारत” संकल्पना मनात घेऊन लग्न पत्रिकेवर सामाजिक संदेश छापला. एवढेच नसून वधू,वर व सर्व वऱ्हाडी पाहुणे मंडळींना लग्न अगोदर रस्ता सुरक्षा ची शपथ सुद्धा दिली या आगळ्या वेगळ्या विवाह सोहळ्याची सध्या नांदेड जिल्ह्यामध्ये जोरात चर्चा चालू आहे.

लग्नामध्ये अवास्तव व्यर्थ खर्च सध्याच्या युगात फॅशन झाली आहे. कर्कश आवाजाचे वाजवले जाणारे डी.जे.सिस्टीम, सुखाचा क्षण असो की दुःखाचा मद्य प्राशनावरती केला जाणारा खर्च, कानाला, हृदयविकार असणाऱ्या रुग्णांना व पर्यावरणाला धोकादायक असणारी प्रचंड रंगबिरंगी आतिषबाजी असला कुठलाच व्यर्थ खर्च न करता एक सामाजिक बांधिलकीतून लग्न सोहळे पार पडणे ही काळाची गरज आहे. लग्न सोहळ्यातून दोन कुटुंबांचे ऋणानुबंध जुळतात. हजारोंच्या संख्येने विवाह सोहळ्याला सर्व मंडळी उपस्थित राहत असते. त्या सर्वांच्या साक्षीने होणाऱ्या विवाह सोहळ्यातून एक सामाजिक संदेश गेला पाहिजे आणि वाहन चालवताना हेल्मेट आणि सीट बेल्ट चा वापर सर्वांनी करावा आणि आपल्या स्वतःच्या आणि परिवाराची सुरक्षा करावी असे मत विवाह संपन्न होण्यापूर्वी सर्वांचे आभार मानत असताना मुलीचे काका श्रीपत संभाजी पाटील शिंदे यांनी व्यक्त केले.

या विवाह सोहळ्याच्या लग्न पत्रिके वरील सामाजिक संदेश मीडिया वरती पाहून ही बातमी मा.नितीन गडकरी साहेबांनी वाचली त्यांना सुद्धा या सामाजिक कार्याचे खूप कौतुक वाटले. म्हणून विवाह सोहळ्यात रस्ता सुरक्षा जनजागृती करणाऱ्या या आगळ्यावेगळ्या उपक्रमाबद्दल शिंदे पाटील व बिरादार पाटील परिवार व दांपत्यांना या सामाजिक कार्यासाठी पत्राद्वारे शुभेच्छा देऊन आशीर्वाद दिले.

या विवाह सोहळ्यासाठी मा.संदीप लक्ष्मणराव निमसे प्रादेशिक परिवहन अधिकारी नांदेड, मारोतराव कवळे गुरुजी, स्वच्छतादूत माधवराव पाटील शेळगावकर, रुपेशजी कुंटूरकर, संभाजीराव भिलवंडे,माणिकराव लोहगावे, सुशील कुमार चव्हाण, पंकज पाटील चव्हाण, माणिकराव पेरके, रामभाऊ हाडोळे, एस.एम.भोसले, माधव पाटील कदम,पत्रकार विकास भुरे व सगे सोयरे, मित्रपरिवार, अधिकारी वर्ग, राजकीय पुढारी, सामाजिक कार्यकर्ते या सर्वांनी श्रीपत पाटील शिंदे व शिंदे परिवारांचे मनापासून कौतुक केले.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)