🔴 नांदेड पोलीस दलातर्फे तक्रार निवारण दिनानिमित्त ३३४ अर्ज निकाली

🔴 नांदेड पोलीस दलातर्फे तक्रार निवारण दिनानिमित्त ३३४ अर्ज निकाली. 

शिवगर्जना न्यूज, 

नांदेड : प्रतिनिधी

नांदेड:- जिल्ह्यातील सर्व पोलीस स्टेशन प्रभारी अधिकारी यांना दर शनिवारी नागरिकांच्या तक्रार निवारणाच्या अनुषंगाने पोलीस अधीक्षक अबिनाश कुमार यांनी विशेष मोहीम राबविण्याबाबत आदेश दिले होते. त्यानुषंगाने शनिवारी राबविण्यात आलेल्या तक्रार निवारण मोहिमेत ३३४ अर्ज निकाली काढण्यात आले. यात स्थानिक ५४ व वरिष्ठ २८० अर्जाचा समावेश होता.

नांदेड जिल्ह्यातील सर्व पोलीस स्टेशनमध्ये प्रलंबित प्रकार अर्जाची संख्या वाढली होती. सदर तक्रारीचा वेळेत अर्ज निकाली काढणे बंधनकारक असल्याने पोलीस अधीक्षक अबिनाश कुमार यांनी सर्व प्रभारी अधिकारी यांना सदर तक्रारी अर्ज तात्काळ निकाली काढण्यासाठी सूचना दिल्या होत्या. २३ मार्च ते २९ मार्च रोजी जिल्ह्यातील सर्व पोलीस स्टेशन येथे तक्रार निवारणाची मोहिम राबविण्यात आली. त्यामध्ये जिह्यात स्थानिक ५४ व वरिष्ठ २८० अर्ज निकाली काढण्यात आले आहेत.

सदरची कामगिरी सर्व उपविभागीय पोलीस अधिकारी नांदेड, तसेच शहरातील सर्व पोलीस ठाण्यांचे प्रभारी अधिकारी व अंमलदार यांनी केली आहे. सदर कामगिरी बाबत पोलीस अधीक्षक अबिनाश कुमार यांनी कौतुक केले आहे.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)