🛑 देगलूर तालुक्यातील ४४ शिक्षक करणार आत्मदहन चा इशारा

🛑 देगलूर तालुक्यातील ४४ शिक्षक करणार आत्मदहन चा इशारा. 

वाढीव टप्पा निधीसाठी तालुक्यातील शिक्षक एकत्रित येणार. 

शिवगर्जना न्यूज, 

देगलूर प्रतिनिधी 

दि. २४ मार्च रोजी देगलूर तालुक्यातील अंशतः अनुदानित शिक्षकांनी उप जिल्हाधिकारी यांना निवेदन देवून २६ मार्च रोजी सामुहिक आत्मदहन करण्याचा इशारा दिला आहे.

१४ ऑक्टोंबर २०२४ च्या शासन निर्णयातील पदांना पुरवणी अर्थसंकल्प-२०२४, पुरवणी मागण्या-२०२५ व अर्थसंकल्प २०२५-२६ मध्ये निधीची तरतूद न केल्याच्या संदर्भात मा. उप जिल्हाधिकारी यांच्या मार्फत सविनय निवेदन देण्यात आले आहे. तसेच तत्कालीन महायुतीचे मुख्यमंत्री एकनाथ शिंदे यांच्या मंत्रिमंडळांनी दि. १० ऑक्टोंबर २०२४ च्या मंत्रिमंडळ बैठकीच्या मान्यतेने दि. १४ ऑक्टोंबर २०२४ चा शासन निर्णय काढला यासाठी सातत्याने राज्यात तसेच आझाद मैदान मुंबई येथे शिक्षक समन्वय संघाच्या वतीने आंदोलन करण्यात आले होते. या आंदोलनाची फल निष्पत्ती म्हणून शासन निर्णयातील एकूण पात्र ५२ हजार पदांना नागपूर येथील डिसेंबर २०२४ च्या पुरवणी अर्थसंकल्पात तरतूद होणे अपेक्षित होते. असंवैधानिक उत्तर राज्यातील शिक्षकांना देण्यात आले. समाज घडवणाऱ्या या शिक्षकांनी या संकल्पनेतून निदान अर्थसंकल्प २०२५-२६ मध्ये सादर झालेल्या पुरवणी मागण्या किंवा पूर्ण अर्थसंकल्पात तरतूद होईल अशी अपेक्षा सरकार कडे ठेवली होते राज्यात सरकार विरोधात कुठेही आंदोलन उभे केले नाही. परंतु पुरवणी मागण्या व पूर्ण अर्थसंकल्प २०२५-२६ मध्ये या शासन निर्णयातील पदांना टप्पा वाढीसाठी अपेक्षित तरतूद या शासनाने न केल्याने राज्यातील शिक्षकांमध्ये प्रचंड असंतोष निर्माण झाला. राज्यातील तमाम ५२ हजार शिक्षकांची फसवणूक केली आहे. अशी भावना सर्व शिक्षक बांधवात निर्माण झाली. आता राज्य सरकारवर कुठलाही विश्वास शिक्षकांचा उरलेला नाही. आमची मागणी २० वर्षापासून ची आहे. ज्ञान दानाचे पवित्र कार्य करणाऱ्या गुरुजनांची असून या मागणीसाठी अत्यंत थोडकी रक्कम म्हणजे फक्त ८२६ कोटी रुपयांची असताना तसेच शेकडो आंदोलने, आम्ही शिक्षक भोगलेला असताना शासन जर दिवसा ढवळ्या बुद्धि जीवी शिक्षकांची अशी शुद्ध फसवणूक करत असेल तर यांच्या समोर आता जिवंतपणी मेल्या शिवाय दुसरा कुठलाच पर्याय शिल्लक दिसत नसल्याने देगलूर तालुक्यातील शिक्षक बांधवाची खंत दिसून येत आहे. दि. २५ मार्च २०२५ मंगळवार रोजी उप जिल्हाधिकारी कार्यालय, देगलूर येथे दुपारी १:०० वाजता निवेदनावर सह्या करणारे नऊ (०९) शाळेतील एकूण चौरेचाळीस (४४)अंशतः अनुदानित शिक्षक कर्मचारी बांधव सामूहिक आत्मदहन करीत आहेत. आमच्या मूत्यू पश्चात आमच्या मुला बाळांची व कुंटुबांच्या पुर्नवसनाची जबाबदार ही शासनाने घ्यावी. असे आत्मदहन आंदोलकांनी दरम्यान झालेल्या मूत्यूला सर्वस्वी शासन व प्रशासन जबाबदार असेल यांची नोंद घ्यावी.

यावेळी सावित्रीबाईं फूले विद्यालय देगलूर, ईल-यासीन उर्दू हायस्कूल देगलूर, जिजामाता प्राथमिक शाळा देगलूर, राजश्री शाहू प्राथमिक विद्यालय देगलूर, विद्यानिकेतन प्राथमिक शाळा देगलूर, जागृती विद्यालय होट्टल, स्वामी दयानंद सरस्वती प्राथमिक शाळा देगलूर, प. पू. गोळवळकर गुरुजी माध्यमिक विद्यालय देगलूर, व्यंकटेश प्राथमिक शाळा देगलूर या शाळेतील अंशतः अनुदानित शिक्षकाच्या स्वाक्षरीने उप जिल्हाधिकारी, गट शिक्षण अधिकारी, पोलीस निरीक्षक यांना निवेदन तसेच मा.उप सचिव, सामान्य प्रशासन विभाग, मंत्रालय मुंबई ३२, मा.उप सचिव, वित्त व नियोजन विभाग, मंत्रालय मुंबई ३२, मा. उप सचिव, शालेय शिक्षण विभाग, मंत्रालय मुंबई ३२, मा. राज्य आयुक्त (शिक्षण), महाराष्ट्र राज्य पूणे, मा. शिक्षण संचालक, महाराष्ट्र राज्य पुणे यांना मेल द्वारे निवेदन पाठण्यात आले आहे.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)