🛑 अजित पवार यांच्या उपस्थितीत भास्करराव पा. खतगावकर सह कार्यकर्त्याचा पक्ष प्रवेश सोहळा संपन्न.

🔴 महाराष्ट्र उप मुख्यमंत्री अजित दादा पवार यांच्या उपस्थितीत भास्करराव पाटील खतगावकर यांच्यासह अनेक कार्यकर्त्याचा पक्ष प्रवेश सोहळा संपन्न. 

शिवगर्जना न्यूज, 

संपादक : शहाजी वरखिंडे {9923072242}

आ. प्रताप पा. चिखलीकर हे राष्ट्रवादी काँग्रेसच्या उमेदवारी वर लोहा कंधार मतदार संघातून निवडून आल्यानंतर अजित पवार यांच्या राष्ट्रवादी काँग्रेसची नांदेड जिल्ह्यात घौडदौड सुरु झाली असून अनेक दिग्गज नेते माजी आमदार हे आ.चिखलीकर यांच्या नेतृत्वाखाली राष्ट्रवादी काँग्रेस मध्ये प्रवेश करत असून पक्ष प्रवेशाचे भव्य सोहळे ही होत आहेत…….. 

सविस्तर दि. २३/०४/२०२५ रविवार नांदेड जिल्ह्यातील नायगाव तालुक्या तील नरसी येथे नरसी येथे माजी मंत्री भास्कराव खतगावकर व मीनल ताई निरंजन पाटील खतगावकर हजारो कार्यकर्ते ना. अजित पवार यांच्या उपस्थितीत भव्य पक्ष प्रवेश सोहळा घेवून राष्ट्रवादी काँग्रेसमध्ये प्रवेश केला. यावेळी आ. चिखलीकर आपल्या चौफेर भाषणात नाव न घेता अशोकराव चव्हाणावर जोरदार टिकेचे बाण सोडले. अजित पवार व्यासपीठावर उपस्थित असताना आ. चिखलीकरांनी नांदेड जिल्ह्यात राष्ट्रवादी काँग्रेसची ताकत वाढत चालली आहे त्यामुळे जिल्ह्यातील स्थानिक स्वराज्य संस्थावर राष्ट्रवादी काँग्रेसचा झेंडा फडकल्याशिवाय राहणार नाही असा आशावाद व्यक्त तर केला पण मी तटकरे साहेबांना सांगितलोय भाजपला हात लावला नाही, त्यांनी जर चुकून जर बोट इकडे केल तर दांडू केल्याशिवाय राहणार नाही असा अस्सल गावरान भाषेत इशारा दिला.

राज्याचे उपमुख्यमंत्री तथा अर्थमंत्री अजित पवार बोलतांना विरोधक काहीही म्हणत असले तरी लाडकी बहीण योजना बंद करायची नाही. पण राज्याची अर्थिक परिस्थिती सुधारल्यानंतरच २१०० रुपये देण्याचा निर्णय घेवू असे स्पष्टपणे सांगितले. त्यामुळे नजिकच्या काळात लाडक्या बहिणींना २१०० रुपये मिळणार नसल्याचे स्पष्ट झाले आहे.

राज्यात विधानसभा निवडणुकीच्या पार्श्वभूमीवर महायुती सरकारने लाडकी बहिण योजना जाहीर करुन महिलांना दरमहा १५०० रुपये देण्यचा धाडसी निर्णय घेतला व त्याची अंमलबजावणी सुरु केली. सुरुवातीला या निर्णयाचा विरोधी पक्षांनी विरोध करण्याबरोबरच सरकार टिकेची झोड उठवली होती परंतु विरोधकांनी आमचे सरकार सत्तेत आल्यास तीन हजार रुपये देण्याचे आश्वासन दिले होते तर महायुतीच्या नेत्यांनी लाडक्या बहिणींना १५०० ऐवजी २१०० देण्याची घोषणा केली होती. त्यामुळे लाडक्या बहिणींनी महायुतीला भरभरून मतदान केले.सत्तेत आल्यानंतर देत असलेल्या १५०० रुपयासाठीच इतर विभागाचा निधी या योजनेत वळवावा लागला. याबाबत मंत्रीमंडळातच कुजबुज सुरु झाली तर दुसरीकडे राज्यातील महिला या सरकार २१०० रुपये कधी देते याची वाट पाहत होते. रविवारी पक्ष प्रवेश सोहळ्याच्या निमित्ताने नायगाव तालुक्यातील नरसी येथे उपमुख्यमंत्री अजित पवार हे आले होते. त्यांना महिलांनी २१०० रुपये कधी देणार असा प्रश्न विचारला असता मी राज्याचा उपमुख्यमंत्री तर आहेच पण अर्थमंत्रीही आहे.

त्यामुळे सध्या राज्याची काय परिस्थिती आहे हे मला माहिती आहे. कुटुंब चालवताना किती कसरत करावी लागते तसेच राज्यातील १३ कोटी जनतेचा मला विचार करावा लागतो आणि कुणाला काय द्यायचे याचाही. त्यामुळे राज्याची परिस्थिती सुधारल्यानंतरच २१०० रुपये देण्याचा निर्णय होईल अषे स्पष्टपणे सांगितले. त्यामुळे नजिकच्या काळात २१००रुपये मिळण्याची शक्यता नसल्याचे दिसून येते.

काही लोकांनी स्वतंत्र निवडणूक लढवण्याची भुमिका घेतली त्यामुळे मला पत्रकारांनी विचारल आपली भुमिका काय ? आमचे नेते जी भुमिका घेतील ते आम्हाला मान्य असेल. जर कुणाध्ये खुमखुमीच असेल स्वतंत्र लढायची तर नांदेड जिल्ह्याची राष्ट्रवादी कमी नाही असे नाव न घेता चिखलीकरांनी अजित पवारांच्या समोरच ठणकावले.

पोकर्णा यांना अशोकराव उशिरा कळाले… ओमप्रकाश पोकर्णा व मी अनेक वर्षे एकत्र काम केलोत पण मला ते लवकर कळले पोकर्णा यांना अशोकराव कळायला वेळ लागला. मला लवकर कळल्याने मी २००४ मध्ये आमदार झालो अन्यथा मी जिल्हा परिषद अध्यक्षच्या पुढे गेलो नसतो असेही यावेळी आवर्जून सांगितले.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)