🛑 सारकूते यांच्या स्मरणार्थ जिल्हा परिषद शाळेला व्यासपीठ समर्पित

🔴 स्व.धोंडूभाऊ धर्मा सारुक्ते यांचे स्मरणार्थ जिल्हा परीषद शाळेला व्यासपीठ समर्पित. 

शिवगर्जना प्रतिनिधी

इगतपुरी : भास्कर सारुकते  

(नाशिक, इगतपुरी) बुधवार दि.१९ मार्च २०२५ रोजी भरविर खुर्द येथील जिल्हा परिषद शाळेत स्वर्गीय धोंडूभाऊ धर्मा सारुक्ते यांचे स्मरणार्थ बांधलेले व्यासपीठ मान्यवरांच्या उपस्थित शाळेला समर्पित करण्यात आले.

भरविर खुर्दच्या जडणघडणित तसेच शैक्षणिक क्षेत्र व कुस्ती क्षेत्रात मोलाचा वाटा असणारे स्व.धोंडूभाऊ सारुक्ते यांच्या स्मृती प्रित्यर्थ त्यांचे नातू श्री.राजू उत्तम सारुक्ते व श्री.संजय उत्तम सारुक्ते यांच्या योग दानातून व श्री.तुकाराम सारुक्ते यांच्या विशेष सहकार्याने हे व्यासपीठ बांधण्यात आले.आज धोंडू भाऊंच्या १४ व्या स्मृतीदिनी ते शाळेला समर्पित करण्यात आले.

या कार्यक्रमा च्या अध्यक्ष स्थानी इगतपुरी तालुक्याचे गट शिक्षणाधिकारी आदरणिय निलेशजी पाटील साहेब हे होते.” सारुक्ते परिवाराने या व्यास पीठाच्या निमित्ताने धोंडूभाऊंच्या स्मृती चिरंतन जपण्याचे अनोखे काम केले आहे.हे काम खरोखरच इतरांनी आदर्श घ्यावा असे आहे.” असे गौरवोद्गार अध्यक्षीय भाषणातून श्री.पाटील साहेब यांनी काढले.

प्रमुख अतिथी म्हणून घोटी पोलिस स्टेशनचे पोलिस निरीक्षक श्री.विनोद पाटील उपस्थित होते. त्यांनी ही या व्यासपीठाच्या कामाचे कौतुक केले. 

या कार्यक्रमासाठी विशेष अतिथी म्हणून श्री.तानाजी शंकरराव जाधव सामाजिक कार्यकर्ते घोटी,श्री.मधुकर दराडे केंद्रप्रमुख धामणगांव,श्री.उमेश बैरागीसर माजी चेअरमन एन.डी.पी.टी. नाशिक, श्री.निवृत्ती नाठेसर जिल्हा कार्यकारी अध्यक्ष महाराष्ट्र राज्य प्राथमिक शिक्षक संघ नाशिक, श्री.अनिल बागुलसर महात्मा फुले शिक्षक पतसंस्था नाशिक व गावातील सर्वच क्षेत्रातील मान्यवर उपस्थित होते.

सदर कार्यक्रमाचे प्रास्ताविक श्री.तुकाराम सारुक्तेसर यांनी केले तर सूत्र संचालन श्रीमती वैशाली वालझाडे मॅडम यांनी केले.कार्यक्रम यशस्वी होण्यासाठी हायस्कूल व जि.प.शाळेच्या सर्व शिक्षकांनी मेहनत घेतली.शेवटी विद्यार्थी व उपस्थितांना अल्पोपहार वाटून कार्यक्रमाची सांगता करण्यात आली.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞

(9923072242)