🛑दिल्ली संमेलनात जाफर आदमपूरकर यांच्या कवितेचे सादरीकरण

दिल्ली संमेलनात जाफर आदमपूरकर यांच्या कवितेचे सादरीकरण. 

शिवगर्जना न्यूज, 

बिलोली विलास शेरे 

तालुक्यातील ग्राम आदमपूर येथील कवी, गीतकार व पञकार जाफर फक्रूशा आदमपूरकर यांच्या ‘बैलपोळा’ या कवितेचे नवी दिल्लीत भरलेल्या ९८ व्या अखिल भारतीय मराठी साहित्य संमेलनातील आयोजित खुल्या कवि संमेलनात आपली कविता बहारदार सादर केली.

यंदा राजधानी दिल्लीत सरहद संस्था पुणे-दिल्ली व मराठी साहित्य महामंडळाकडून ९८ व्या मराठी साहित्य संमेलनाचे आयोजन शुक्रवार दि.२१,२२ व २३ फेब्रुवारी रोजी छत्रपती शिवाजी महाराज साहित्य नगरी, तालकटोरा स्टेडियम परिसरात करण्यात आले होते.या संमेलनाचे अभूतपूर्व उद्घाटन देशाचे पंतप्रधान मा.नरेंद्र मोदी यांच्या हस्ते करण्यात आले. संमेलनाचे स्वागताध्यक्ष मा.शरद पवार, प्रमुख पाहुणे महाराष्ट्राचे मुख्यमंञी मा.देवेंद्र फडणवीस, संमेलनाध्यक्षा डाॅ.तारा भवाळकर व इतर साहित्यिक, सांस्कृतिक मान्यवरांची विशेष उपस्थिती होती.

साहित्य संमेलन परिसरातील श्रीमंत सयाजीराव गायकवाड महाराज व छञपती संभाजी महाराज या सभा मंडपात ‘खुले कविसंमेलन’ आयोजित करण्यात आले होते. यात येथील कवी जाफर आदमपूरकर यांनी ग्रामीण ‘बैलपोळा’ ही कविता सादर करीत मंचासह साहित्य रसिकांची वाहवा मिळविली. सलग सतरा वर्ष अखंड साहित्य संमेलनाची शब्द वारी जाफर यांनी सुरू ठेवली आहे. याचेच हे फळ त्यांना कविता सादरीकरणाने दिल्ली दरबारी मिळाले.

या काव्यसंमेलनाचे सूञसंचालन प्रसिद्ध कवी, लेखक शरद गोरे सोलापूरकर यांनी केले होते. मंचावर संत तुकाराम महाराज यांचे वंशज संत रामदास महाराज मोरे हे उपस्थित होते. या दिल्लीतील काव्यवाचन सन्मानाबद्दल जाफर आदमपूरकर यांचे सामाजिक कार्यकर्ते पत्रकार सर्व स्तरातून अभिनंदन होत आहे.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)