🛑 नांदेड जिल्ह्यात जलजीवन मिशन योजनेचा बोजवारा.

🔴 नांदेड जिल्ह्यात जलजीवन मिशन योजनेचा बोजवारा.

◼️आ.जयंत पाटील यांच्याकडे राष्ट्रवादी पक्षाचे जिल्हा उपाध्यक्ष पांडुरंग शिंदे यांची लेखी तक्रार. 

शिवगर्जना न्यूज, 

नायगाव बाळासाहेब पांडे

नांदेड जिल्ह्यामध्ये पाणीपुरवठा योजनेसंबंधी जलजीवन मिशनचेकामे अत्यंत निकृष्ट दर्जाचे आणि अपुरे केल्यामुळे येणाऱ्या उन्हाळ्यात नागरिकांना पाणीटंचाईच्या तीव्र समस्येला सामोरे जावे लागेल आणि या योजनेचा बोजबारा उडालेला आहे, या योजनेची सखोल चौकशी करून संबंधित कंत्राटदार व अधिकाऱ्यावर योग्य ती कार्यवाही करावी अशी मागणी राष्ट्रवादी काँग्रेस पक्ष शरदचंद्र पवार प्रदेशाध्यक्ष आ. जयंत पाटील यांच्याकडे जिल्हा उपाध्यक्ष पांडुरंग शिंदे मांजरमकर यांनी निवेदनाद्वारे मागणी केली.

पांडुरंग शिंदे यांनी आपले निवेदनात म्हटले आहे की, केंद्र सरकारने सन २०१९ या काळात सुरू केलेली अत्यंत महत्त्वकांक्षी ही योजना आहे. या योजनेच्या उद्दिष्ट प्रमाणे सन २०२४ पर्यंत ग्रामीण भागातील नागरिकांना घरापर्यंत पाण्याचे नळ देण्याचे उद्देश होते. २०२५ उजाडले आहे अद्याप या योजनेद्वारे जिल्ह्यातील एकही नागरिकाला नळाद्वारे पाणी मिळालेला नाही आणि गावातील चांगले असलेले रस्ते खोदल्यामुळे नागरिकांना चालणे सुद्धा अवघड होत आहे. 

तसेच आता तर उन्हाळ्याच्या तोंडावर पाणी टंचाईला नागरिकांना सामोरे जावे लागणार आहे. अशा काळात ही योजना अयशस्वी होणे म्हणजेच सरकारचे अपयश आहे. जयंत पाटील नांदेड विमान तळावरून हिंगोली कडे जात असताना हे निवेदन देण्यात आले. जि.अध्यक्ष भगवानराव पाटील आलेगावकर, युवा नेते कैलास देशमुख गोरठेकर आदी उपस्थित होते.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)