🔴 व्हॉईस ऑफ मीडिया दर्पण दिनी पत्रकार गौरव सोहळा संपन्न.

🔴 व्हॉईस ऑफ मीडिया नायगाव च्या वतीने दर्पण दिनी पत्रकार गौरव सोहळा संपन्न. 

शिवगर्जना न्यूज, 

नायगाव तालुका प्रतिनिधी : परमेश्वर जाधव

नायगाव, ग्रामीण पत्रकारां समोर समस्यांचे मोठे आव्हान आहे तरीपण आहे त्या परिस्थितीवर मात करत ग्रामीण भागातील समस्या कागदावर उतरवण्याचे काम आपल्या लेखणीच्या माध्यमातून कोणाची भीड भाड न ठेवता ग्रामीण पत्रकार निष्ठापूर्वक करतात. त्यांना संरक्षण नाही, विमा नाही, सरकारी संरक्षण नाही, योग्य मोबदला नाही परंतु समाजाची बांधिलकी म्हणून ग्रामीण भागामध्ये पत्रकार आपल्या तळहातवर शीर घेऊन सत्यासाठी लढतात. म्हणून तर पत्रकारांच्या लेखणीत वादळ पेलण्याची क्षमता असल्याचे मत साहित्यिक वीरभद्र मिरेवाड यांनी व्यक्त केले. ग्रामीण पत्रकारिता एक आव्हान या विषयावर व्हाईस ऑफ मीडियाच्या वतीने आयोजीत केलेल्या पत्रकार दिनी कार्यक्रमात प्रमुख व्याख्याते म्हणून बोलत होते.

व्हॉईस ऑफ मीडिया नायगाव तालुका व शहर शाखेच्या वतीने दिनांक ६ जानेवारी रोजी नायगाव येथे स्व.माजी आ बळवंतराव चव्हाण सभागृह जनता हायस्कूल नायगाव येथे “लढा ग्रामीण पत्रकारितेचा ….. पत्रकारां साठीचा”… या उपक्रम अंतर्गत ग्रामीण पत्रकारिता एक आव्हान या विषयावर वीरभद्र मिरेवाड यांनी सखोल माहिती दिली. 

यावेळी दर्पण दिना निम्मित पत्रकार गौरव सोहळा कार्यक्रम आयोजित करण्यात आला या कार्यक्रमाचे अध्यक्षस्थानी रफीक शेख पोलीस उप. अधीक्षक तर प्रमुख पाहुणे संग्राम कांबळे शिक्षणाधिकारी, संजय मारकड, पो. निरीक्षक, स.पो.नी. रामकृष्ण पाटील, श्रीधर जगताप स.पो.नि., बाळासाहेब पांडे (जिल्हा कार्याध्यक्ष व्हॉईस ऑफ मीडिया नांदेड), एस. एम. मुदखेडकर जिल्हा कार्य. तसेच सदस्य, ज्येष्ठ पत्रकाराची उपस्थितीती होती.  

कार्यक्रमा वेळी गौरव पत्रकाराचा उपक्रम अंतर्गत वयाचे ५५ पार केलेले ज्येष्ठ पत्रकार माधव मामा कोकूरले, शेख वहाबुद्दिनसाब यांचा सन्मान व नूतन जिल्हा पदाधिकारी शिवाजी पानासे, प्रकाश हणमंते, पवन कुमार पुटेवाड व ज्येष्ठ पत्रकार नायगाव यांचा सत्कार करण्यात आला. सन २०२४ मध्ये विशेष पुरस्कार प्राप्त पत्रकार देविदास जेठेवाड संविधान गौरव पुरस्कार २०२४, चंद्रकांत सुर्यतळ स्व.शंकरराव चव्हाण विकास पत्रकारिता पुरस्कार २०२४ यांचा विशेष गौरव तर सर्व पत्रकारांना डायरी, पेन देऊन या निम्मित गौरव करण्यात करण्यात आला.

कार्यक्रमात व्हॉईस ऑफ मीडिया नायगाव जिल्हाकर्याध्यक्ष बाळासाहेब पांडे यांनी संघटनेची ध्येय धोरणे व संघटना विस्तृती सांगितली. स.पो.नी. रामकृष्ण पाटील व श्रीधर जगताप यांनी आपण बी. जे. सह पत्रकारीते चा अनुभव सांगत, उपसंपादक ते पोलीस नौकरी चे अनुभव सांगितले. गटशिक्षण अधिकारी संग्राम कांबळे यांनी पत्रकार म्हणून काम करीत असताना येणारी आवाहने व त्यावर उपाय यावेळी सांगितले. पोलीस निरीक्षक मारकड यांनी आपण वृतपत्र वाचनामुळे या पदावर आल्याचे सांगून उपस्थितांच्या भुवया उंचावील्या शेवटी अध्यक्षीय समारोप डी.वाय.एस.पी.शेख यांनी केले.

यावेळी तालुका अध्यक्ष गंगाधर ढवळे पाटोदेकर प्रास्ताविक, संचलन माधव बैलकवाड तर आभार तालुका कार्यध्यक्ष बालाजी नागठाणे यांनी मानले. कार्यक्रमास बी.आय.बडूरे, वसंत जाधव, शिवाजी शिंदे मधुकर जवळे, संभाजी वाघमारे, करिम चाऊस, शेख आजिम, शेख खाजा, अरविंद शिंदे, अनिल ढवळे, सुधाकर भद्रे, संतोष पवार, मिलिंद बचाव, शिवाजी पांचाळ, सागर चव्हाण, सुनील देशाई, चंद्रकांत नरवाडे,भंडारे, नारे, गौतम एडके, सर्व तालुका शहर पदाधिकारी, सदस्य व्हॉईस ऑफ मीडिया नायगाव पत्रकारांची उपस्थिती होती.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞
(9923072242)