🛑 संकष्टी चतुर्थी निमित्त श्री कपालेश्वर महादेव मंदिरात भक्तिमय भजन संध्या उत्साहात संपन्न.

1

By Shahaji Warkhinde

October 31, 2026

🔴 श्री कपालेश्वर महादेव मंदिरात संकष्टी चतुर्थी निमत्त भक्तिमय भजन संध्या उत्साहात संपन्न.

हरीपाठ, अभंग आणि टाळ-मृदंगाच्या गजराने पाथर्डी फाटा परिसर दुमदुमला.

शिवगर्जना न्यूज,

नाशिक प्रतिनिधी : सौ. राधिका थेटे

नाशिक : पाथर्डी फाटा येथील जागृत देवस्थान श्री कपालेश्वर महादेव मंदिरात संकष्टी चतुर्थी निमत्त भव्य हरीपाठ सेवा व भजन संध्येचे आयोजन करण्यात आले होते. या वेळी संपूर्ण मंदिर परिसर भक्तिरसात न्हाऊन निघाला. माऊलींचे अभंग, गवळणी आणि टाळ-मृदंगाच्या गजराने वातावरण भक्तिमय झाले.

या भक्तिमय सोहळ्याचे नेतृत्व मंडळाच्या अध्यक्षा ह.भ.प. सुशीला ताई उगले यांनी केले. तसेच मंडळाच्या ज्येष्ठ सल्लागार ह.भ.प. धोंगडे ताई, ह.भ.प. भोर ताई, ह.भ.प. चौधरी ताई आणि ह.भ.प. गायकवाड ताई यांच्या मौल्यवान मार्गदर्शनाखाली महिला वारकरी मंडळातील सदस्यांनी हरीपाठ व भजन सेवा सादर केली.

हे महिला वारकरी मंडळ केवळ धार्मिक कार्यक्रमांपुरते मर्यादित न राहता वर्षभर श्री गणेशोत्सव, नवरात्रोत्सव तसेच विविध सप्ताह सोहळ्यांमध्ये सहभागी होते. या वेळी अभंग, गवळणी आणि भारुडांच्या माध्यमातून समाजात भक्तीचा जागर केला जातो. त्यांच्या सातत्यपूर्ण धार्मिक व सांस्कृतिक कार्याचे भाविकांकडून कौतुक होत आहे.

संकष्टी चतुर्थीच्या निमित्ताने आयोजित या भजन संध्येने उपस्थित भाविकांना आध्यात्मिक आनंदाची अनुभूती दिली. महिला वारकरी मंडळाच्या या भक्तिमय सेवेमुळे मंदिर परिसरात श्रद्धा, भक्ती आणि चैतन्याचे वातावरण निर्माण झाले.

या उत्कृष्ट भक्तिसेवेसाठी मंडळातील सर्व माऊलींचे मनःपूर्वक अभिनंदन करण्यात आले असून, त्यांच्या पुढील धार्मिक व सामाजिक वाटचालीस हार्दिक शुभेच्छा व्यक्त करण्यात आल्या.

🔴मुख्य संपादक: श्री शहाजी वरखिंडे मो. 9923072242

Previous article

🔴 दुष्काळावर मात करण्यासाठी नांदेड जिल्ह्यात ठोस विकास आराखडा तयार करा.

Shahaji Warkhinde

ताज्या बातम्या

ताज्या बातम्या