🔴 औरंगाबाद विभाग पदवीधर मतदारसंघ निवडणूक; देगलूर तालुक्यात ६१.९९ टक्के मतदान

🔴 औरंगाबाद विभाग पदवीधर मतदारसंघ निवडणूक; देगलूर तालुक्यात ६१.९९ टक्के मतदान

आठ मतदान केंद्रांवर शांततेत मतदान; २,११८ पैकी १,३१३ मतदारांनी बजावला मतदानाचा हक्क

शिवगर्जना न्यूज : देगलूर प्रतिनिधी

9923072242

देगलूर : औरंगाबाद विभाग पदवीधर मतदारसंघ निवडणूक २०२६ अंतर्गत २३ ऑक्टोबर रोजी देगलूर तालुक्यातील आठ मतदान केंद्रांवर मतदान प्रक्रिया शांततेत पार पडली. तालुक्यातील एकूण २ हजार ११८ मतदारांपैकी १ हजार ३१३ मतदारांनी मतदानाचा हक्क बजावला. त्यामुळे तालुक्यात ६१.९९ टक्के मतदानाची नोंद झाली. यामध्ये १ हजार ९७ पुरुष आणि २१६ महिला मतदारांचा समावेश आहे.

देगलूर तहसील कार्यालयाच्या निवडणूक विभागाच्या वतीने मतदानाची अंतिम आकडेवारी जाहीर करण्यात आली. तहसीलदार भरत सूर्यवंशी यांनी मतदानाचा अंतिम अहवाल नांदेड जिल्हाधिकारी तथा ०२ औरंगाबाद विभाग पदवीधर मतदारसंघ निवडणुकीचे सहाय्यक निवडणूक निर्णय अधिकारी यांच्याकडे सादर केला.

तालुक्यातील मतदान केंद्रनिहाय आकडेवारी पुढीलप्रमाणे आहे.

– मतदान केंद्र क्रमांक ५०५ – तहसीलदार कक्ष, देगलूर : ५२७ मतदारांपैकी ३६१ जणांनी मतदान केले. मतदानाची टक्केवारी ६८.५०.

– मतदान केंद्र क्रमांक ५०६ – उपविभागीय अधिकारी कार्यालय, देगलूर : ५७३ मतदारांपैकी ३५५ जणांनी मतदान केले. मतदानाची टक्केवारी ६१.९५.

– मतदान केंद्र क्रमांक ५०७ – जिल्हा परिषद हायस्कूल, खानापूर : १६२ मतदारांपैकी १०६ जणांनी मतदान केले. मतदानाची टक्केवारी ६५.४३.

– मतदान केंद्र क्रमांक ५०८ – जिल्हा परिषद हायस्कूल, शहापूर : १८७ मतदारांपैकी १०६ जणांनी मतदान केले. मतदानाची टक्केवारी ५६.६८.

– मतदान केंद्र क्रमांक ५०९ – जिल्हा परिषद केंद्रीय प्राथमिक शाळा, नरंगल : २१३ मतदारांपैकी ११२ जणांनी मतदान केले. मतदानाची टक्केवारी ५२.५८.

– मतदान केंद्र क्रमांक ५१० – जिल्हा परिषद प्राथमिक शाळा, मरखेल : १८९ मतदारांपैकी १२५ जणांनी मतदान केले. मतदानाची टक्केवारी ६६.१४.

– मतदान केंद्र क्रमांक ५११ – जिल्हा परिषद हायस्कूल, हाणेगाव : १४९ मतदारांपैकी ८२ जणांनी मतदान केले. मतदानाची टक्केवारी ५५.०३.

– मतदान केंद्र क्रमांक ५१२ – जिल्हा परिषद प्राथमिक शाळा, माळेगाव (म.) : ११८ मतदारांपैकी ६६ जणांनी मतदान केले. मतदानाची टक्केवारी ५५.९३.

चोख पोलीस बंदोबस्तात मतदान प्रक्रिया

तालुक्यातील आठही मतदान केंद्रांवर सकाळपासून सायंकाळी चार वाजेपर्यंत मतदान प्रक्रिया राबविण्यात आली. निवडणूक प्रक्रिया सुरळीत पार पाडण्यासाठी नोडल अधिकारी म्हणून देगलूरचे उपविभागीय अधिकारी अनुप पाटील आणि तहसीलदार भरत सूर्यवंशी यांनी जबाबदारी सांभाळली.

सर्व मतदान केंद्रांवर चोख पोलीस बंदोबस्त ठेवण्यात आला होता. नायब तहसीलदार, सर्व मंडळ अधिकारी, संबंधित तलाठी तसेच इतर विभागांतील अधिकाऱ्यांनीही निवडणूक प्रक्रियेत जबाबदारी पार पाडली. प्रशासनातील विविध विभागांच्या समन्वयातून देगलूर तालुक्यातील आठही मतदान केंद्रांवर मतदान प्रक्रिया शांततेत पार पडली.

मुख्य संपादक : शहाजी ना. वरखिंडे          9923072242