🔴 रुग्ण सेवा मंडळात मोफत नेत्र व रक्तगट तपासणी शिबिर संपन्न

🔴 रुग्ण सेवा मंडळात मोफत नेत्र व रक्तगट तपासणी शिबिर संपन्न. 

११३ विद्यार्थ्यांची नेत्रतपासणी, तर ४४ विद्यार्थ्यांची रक्तगट तपासणी

शिवगर्जना न्यूज : देगलूर प्रतिनिधी

देगलूर शहर व परिसरातील गरीब, गरजू शेतकरी आणि शेतमजुरांना नाममात्र दरात आरोग्यसेवा उपलब्ध व्हावी, या उद्देशाने ज्येष्ठ हृदयरोगतज्ज्ञ तथा माजी खासदार डॉ. व्यंकटेश काब्दे यांच्या मार्गदर्शनाखाली कार्यरत असलेल्या रुग्ण सेवा मंडळाने गेल्या ४९ वर्षांत हजारो गरजू नागरिकांच्या जीवनात आनंद फुलविण्याचे महत्त्वपूर्ण कार्य केले आहे.

मराठवाड्यातील आरोग्यसेवा क्षेत्रात महत्त्वपूर्ण योगदान देणारी आणि दानशूर व्यक्तींच्या देणगीतून चालणारी ही संस्था २०२६-२०२७ हे वर्ष ‘सुवर्ण महोत्सवी वर्ष’ म्हणून साजरे करीत आहे. या निमित्ताने रुग्ण सेवा मंडळ आणि देगलूर महाविद्यालयाच्या राष्ट्रीय सेवा योजना (रा.से.यो.) विभागाच्या संयुक्त विद्यमाने विद्यार्थ्यांसाठी मोफत नेत्र व रक्तगट तपासणी शिबिराचे आयोजन करण्यात आले.

या शिबिरात एकूण ११३ विद्यार्थ्यांची नेत्रतपासणी, तर ४४ विद्यार्थ्यांची रक्तगट तपासणी करण्यात आली. विद्यार्थ्यांच्या आरोग्याबाबत जागरूकता निर्माण करण्याबरोबरच त्यांना आवश्यक आरोग्यसेवा उपलब्ध करून देण्याच्या दृष्टीने या शिबिराचे आयोजन करण्यात आले.

या प्रसंगी रुग्ण सेवा मंडळाचे उपाध्यक्ष देवेंद्र मोतेवार, सचिव सूर्यकांत नारलावार, देगलूर महाविद्यालयाचे प्राचार्य डॉ. मोहन खताळ आणि उपप्राचार्य डॉ. अनिल चिद्रावार यांची उपस्थिती होती.

शिबिर यशस्वी करण्यासाठी रुग्ण सेवा मंडळाचे सहसचिव प्रा. डॉ. बालाजी कत्तुरवार, कोषाध्यक्ष प्रा. विठ्ठल गुंडया चिंतावार, कार्यकारी मंडळाचे सदस्य रमेश नारलावार, मारुती गायकवाड, विजय चालिकवार, प्रा. अशोक टिपरसे, प्रा. विठ्ठल जंबाले, प्रा. विनय भोगले, प्रा. संजय देबडे, प्रा. सर्जेराव रणखांब आणि प्रा. व्यंकट खंदकुरे यांनी परिश्रम घेतले.

🔴 मुख्य संपादक : श्री. शहाजी वरखिंडे               मो. ९९२३०७२२४२