🔴 समाजसेवेचा ध्यास, अमृत पाटील आलूरकर यांचा वाढदिवस साजरा.

🔴 समाजसेवेचा ध्यास, अमृत पाटील आलूरकर यांचा वाढदिवस साजरा.

दारूबंदीपासून शैक्षणिक साहित्य वाटपापर्यंत योगदान; संभाजी ब्रिगेडच्या माध्यमातून सामाजिक कार्याचा ठसा.

शिवगर्जना न्यूज : देगलूर प्रतिनिधी

देगलूर तालुक्यातील आलूर येथील अमृत सोपानराव पाटील आलूरकर हे गेल्या काही वर्षांपासून सामाजिक कार्यात सक्रिय असून, समाजातील वंचित, गरजू आणि निराधार व्यक्तींना मदतीचा हात देण्याचे कार्य ते सातत्याने करत आहेत. त्यांच्या वाढदिवसानिमित्त त्यांच्या सामाजिक कार्याचा आढावा घेतला जात आहे.

अमृत पाटील यांनी २०२० मध्ये भारतीय मराठा महासंघाच्या माध्यमातून आपल्या सामाजिक कार्याची सुरुवात केली. यावेळी त्यांची देगलूर तालुका उपाध्यक्षपदी नियुक्ती करण्यात आली. नियुक्तीपत्र मिळाल्यानंतर त्यांनी आपल्या गावातून सामाजिक उपक्रम राबविण्यास सुरुवात केली.

गावात दारूबंदीसाठी पुढाकार

२०२२ मध्ये आलूर गावात दारूबंदी करण्यासाठी त्यांनी पुढाकार घेतला. तसेच गावातील विद्यार्थ्यांना शैक्षणिक साहित्य वाटप करण्याचा उपक्रम सुरू केला. २०२२ पासून २०२६ पर्यंत विद्यार्थ्यांना शैक्षणिक साहित्य उपलब्ध करून देत शिक्षणाला प्रोत्साहन देण्याचा प्रयत्न त्यांनी केला आहे.

संभाजी ब्रिगेडच्या माध्यमातून सामाजिक कार्याला गती. 

२०२५ मध्ये संभाजी ब्रिगेडच्या माध्यमातून त्यांची जिल्हा उपाध्यक्षपदी निवड करण्यात आली. विभागीय अध्यक्ष संकेत पाटील आणि नांदेड जिल्हाध्यक्ष जेजेराव पाटील करडखेड वाडीकर यांच्या हस्ते त्यांना नियुक्तीपत्र प्रदान करण्यात आले.

छत्रपती शिवाजी महाराज, छत्रपती संभाजी महाराज, राजमाता जिजाऊ, महात्मा ज्योतिराव फुले, राजर्षी शाहू महाराज आणि डॉ. बाबासाहेब आंबेडकर यांच्या विचारांचा प्रसार करणे, हा त्यांच्या सामाजिक कार्य याच विचारधारेतून गरजू नागरिकांना मदत करण्यासाठी ते प्रयत्नशील असतात.

रस्त्याच्या दुरुस्तीसाठी प्रयत्न, निराधारांना शासकीय योजनांचा लाभ

२०२४ ते २०२५ या काळात संभाजी ब्रिगेडच्या माध्यमातून देगलूर ते आलूर जोडणाऱ्या रस्त्याच्या दुरुस्तीच्या कामासाठी त्यांनी पुढाकार घेतला. याशिवाय गावातील वृद्ध, विधवा महिला आणि निराधार व्यक्तींना श्रावणबाळ सेवा राज्य निवृत्तीवेतन योजना तसेच संजय गांधी निराधार अनुदान योजनेसारख्या शासकीय योजनांचा लाभ मिळवून देण्यासाठी त्यांनी मदत केली.

तहसील कार्यालय असो किंवा पोलीस स्टेशन, गरजू नागरिकांच्या अडचणी सोडविण्यासाठी शक्य ते सहकार्य करण्याची भूमिका घेतात. समाजातील दुर्बल घटकांना आधार देणे आणि सामाजिक प्रश्नांवर आवाज उठविणे, हा त्यांच्या कार्याचा केंद्रबिंदू आहे.

सामाजिक बांधिलकी जपत विविध उपक्रमांच्या माध्यमातून जनसेवेचा प्रयत्न करणाऱ्या अमृत पाटील आलूरकर यांना वाढदिवसानिमित्त शुभेच्छा दिल्या.

यावेळी संभाजी ब्रिगेड जेजेराव पाटील करडखेडवाडीकर, संभाजी ब्रिगेड बालाजी पाटील आंदेगावकर, संभाजी ब्रिगेड देवदास पाटील थडके, शिवगर्जना न्यूज शहाजी वरखिंडे, भाजपा संजय पांचाळ शहापूरकर, भाजपा संजय रमेश पोकर्णे, पोलीस पा.रवींद्र दरबेस्तवार, राजू पाटील, सुभाष खुणेवाड आदि सह उपस्थित होते.

🔴मुख्य संपादक: श्री शहाजी वरखिंडे                  मो. 9923072242